Nýr flotaforingi Úkraínu svíkst undan merkjum

Denis Berezovsky, aðmíráll og flotaforingi Úkraínu, hefur lýst yfir stuðningi við Krímskaga og Sergiy Aksyonov, leiðtoga svæðisins sem hliðhollur er Rússum. Berezovsky var gerður að flotaforingja Úkraínu í gær.

Frá þessu er sagt á vef BBC.

Hann gaf út þá tilkynningu að flotinn ætti ekki að hlýða skipunum sjálfskipaðrar ríkisstjórnar í Kænugarði. Sagði hann daginn í dag muna vera afmælisdag flota sjálfstæðs ríkis á Krímskaga. Næst sór hann þess heit að fara eftir skipunum Sergiy Aksyonov og verja líf og frelsi íbúa svæðisins.

Úkraína hefur sett allan herafla sinn í viðbragðsstöðu í svari við aðgerðum Rússa á Krímskaga. Bandaríkin hafa varað Rússa við því að þeim gætu verið vikið úr G8. Nýr forseti Úkraínu segir landið á barmi hörmungar.

Berezovsky hefur verið ákærður fyrir landráð í kjölfar yfirlýsingarinnar.