Snæfellskonur sáu til þess að KR fer snemma í sumarfrí - myndir

Snæfellskonur gefa ekkert eftir í kvennakörfunni og unnu sinn fjórtánda deildarsigur í röð í kvöld þegar liðið vann 21 stigs sigur á KR, 89-68, í DHL-höllinni.  

Snæfellsliðið sá líka til þess að með þessum sigri á KR-konur geta ekki lengur náð fjórða og síðasta sætinu sem hefur sæti í úrslitakeppninni. KR á því bara tvo leiki eftir á tímabilinu og fer snemma í sumarfríið í ár.

KR-konur eru síðasta liðið til að vinna Snæfell í Dominos-deildinni en síðan eru liðnir 95 dagar. KR-liðið er nú fjórum stigum á eftir Val þegar fjögur stig eru eftir í pottinum en verða alltaf neðar á innbyrðisleikjum endi liðin jöfn. KR yrði líka neðst verði Valur, Hamar og KR jöfn að stigum.

Daníel Rúnarsson, ljósmyndari Vísis og Fréttablaðsins, var í DHL-höllinni í kvöld og náðu þessum skemmtilegum myndum hér fyrir ofan og neðan.