Josh Homme kom á óvart

Hljómsveitin Arctic Monkeys kom aðdáendum sína á óvart í vikunni þegar að Josh Homme kom fram með þeim á tónleikum í Los Angeles. Homme er best þekktur sem forsprakki hljómsveitarinnar Queens Of The Stone Age.

Í síðasta lagi Arctic Monkeys á tónleikunum, sem heitir Knee Socks, voru ljósin deyfð og Homme steig fram og kláraði tónleikana við hlið Alex Turner, söngvara sveitarinnar.

Homme syngur í laginu á plötu Arctic Monkeys. Þá kemur Turner fram á nýjustu plötu Queens Of The Stone Age sem heitir Like Clockwork.