Chris Rock á plötu Eminem?

Gamanleikarinn Chris Rock hefur gefið til kynna að svo gæti verið að honum bregði fyrir á nýrri stúdíóplötu Eminem, sem rapparinn er kominn vel á leið með að klára. Grínarinn birti í vikunni ljósmynd af sér og Eminem saman í hljóðveri. „Ég má ekkert segja um þetta,“ sagði hann í viðtali við Fuse. „Ég var með á plötunni hans Kanye West, kannski verð ég á Eminem-plötunni,“ bætti hann við, en Rock var í gestahlutverki í laginu Blame Game á hinni margrómuðu plötu Kanye West, My Beautiful Dark Twisted Fantasy frá 2011.