Blekktu Interpol til að lýsa eftir Sigurði

Fanney Birna Jónsdóttir og Hanna Rún Sverrisdóttir skrifar 14. nóvember 2013 10:19

Interpol lýsti eftir Sigurði Einarssyni í maí 2010.

Verjandi Sigurðar Einarssonar sagði við munnlegan málflutning í Al Thani málinu í dag að ákæruvaldið hafi farið verulega fram úr sér og sent frá sér rangar upplýsingar þegar embætti sérstaks saksóknara stóð fyrir því að Sigurður Einarsson var eftirlýstur hjá Interpol.

Hann segir að sérstakur saksóknari hafi tilkynnt Interpol að Sigurður væri „á flótta“ og eftirlýstur vegna saksóknar - en það er svokallað „Red Notice“ skilyrði þess að hægt sé að lýsa eftir sakamönnum hjá Interpol.

Hins vegar hafi ákæruvaldið vitað vel að Sigurður var bara heima hjá sér í London og embættið vildi bara taka af honum skýrslu.

Verjandinn sagði í ræðu sinni að þessi tilkynning til Interpol hafi ekki verið dregin til baka fyrr en rúmum þremur mánuðum síðar, þrátt fyrir að sjá megi á samskiptum bresku lögreglunnar við sérstakan saksóknara að lögreglan teldi að Sigurður uppfyllti ekki þessi „Red Notice“ skilyrði.

Verjandinn dró þá ályktun að þetta væri ein af ástæðum þess að Sigurður hafi verið ákærður í málinu, þar sem sérstakur saksóknari hafi ekki getað sleppt því eftir allt sem á undan var gengið.

Tengdar fréttir

Sigurður kærir handtökuskipun til Hæstaréttar

Sigurður Einarsson, fyrrverandi stjórnarformaður Kaupþings, hefur kært handtökuskipun sem gefin var út á hendur honum til Hæstaréttar. Interpol hefur lýst eftir Sigurði en sérstakur saksóknari vill fá hann til viðtals. Í hádegisfréttum RÚV var greint frá því að kæran hafi borist í gærdag og að frestur málsaðila til þess að skila gögnum renni út í dag. Þá sagði að líklegt væri að Hæstiréttur felli úrskurð sinn fljótlega.

18. maí 2010 13:01

Kemur ekki ótilneyddur

Sigurður Einarsson, fyrrverandi stjórnarformaður Kaupþings, ætlar ekki að mæta sjálfviljugur til Íslands í yfirheyrslu hjá sérstökum saksóknara. Þetta sagði Sigurður þegar Fréttablaðið náði tali af honum í London í gærkvöldi.

12. maí 2010 06:45

Breskur dómstóll þarf að úrskurða um framsal

Breskur dómstóll þarf að úrskurða um framsal Sigurðar Einarssonar, fyrrverandi stjórnarformanns Kaupþings, til Íslands að beiðni sérstaks saksóknara. Hann hefur verið eftirlýstur á vef alþjóðalögreglunnar Interpol frá því í gærkvöld.

12. maí 2010 19:16

Hæstiréttur vísar kæru Sigurðar frá

Hæstiréttur hefur vísað frá kæru Sigurðar Einarssonar fyrrverandi stjórnarformanns Kaupþings sem kærði alþjóðlega handtökuskipun sem gefin hefur verið út á hendur honum vegna rannsóknar á meintum brotum fyrrverandi stjórnenda Kaupþings.

19. maí 2010 13:49

Bretar hafa enn ekki orðið við beiðni Íslendinga

Breska lögreglan hefur enn ekki orðið við beiðni sérstaks saksóknara um að Sigurður Einarsson, fyrrverandi stjórnarformaður Kaupþings, verði handtekinn og framseldur til Íslands. Dómsmálaráðherra segir að framsalssamningur milli Íslands og Bretlands sé í fullu gildi.

13. maí 2010 19:18

Sigurður á lista yfir eftirlýsta glæpamenn

Sigurður Einarsson, fyrrverandi stjórnarformaður Kaupþings er kominn á lista yfir eftirlýsta glæpamenn á vefsíðu Interpol. Til stóð að Sigurður kæmi til landsins í lok vikunnar og yrði þá yfirheyrður vegna rannsóknar sérstaks saksóknara á Kaupþingi.

11. maí 2010 20:39