Frá gassprengingu til Georgíu Kolbeinn Tumi Daðason skrifar 21. maí 2013 07:30 Ólafía við leik á Sedgefield-vellinum í Norður-Karólínu. Mynd/Kristinn J. Gíslason Ólafía Þórunn Kristinsdóttir hefur í dag leik í landsúrslitum bandaríska háskólagolfsins NCAA í Georgíufylki. Hún er sjötti kylfingurinn í sögu Wake Forest-háskólans í Norður-Karólínufylki sem kemst þangað af eigin rammleik og sú fyrsta sem nær þeim árangri í tólf ár. „Ég vissi af möguleikanum á að komast í landsúrslitin eftir að hafa skoðað stöðuna fyrir lokahringinn,“ segir Ólafía en mjótt var á munum meðal efstu kylfinga. „Möguleikinn var því fyrir hendi ef ég myndi spila mjög vel,“ segir Ólafía og er óhætt að segja að sú hafi orðið raunin. Hún fékk sex fugla á hringnum og var á fimm höggum undir pari fyrir átjándu holuna. Gera þurfti tveggja tíma hlé á keppni vegna veðurs sem sló okkar konu aðeins út af laginu. Hún fékk tvöfaldan skolla en sem betur fer dugði skorið henni til einstaks árangurs. Sæti í úrslitum í Georgíu.GassprengingÓlafía fagnar sætinu í landsúrslitum NCAA.Foreldrar Ólafíu sóttu dóttur sína heim í Winston-Salem í Norður-Karólínu á dögunum. Ólafía á þýskan kærasta og ætluðu þau að grilla ofan í gestina þegar mikil gassprenging varð. Kærastinn brenndist illa og var farið með hann rakleiðis á spítala. „Hann var sá eini sem slasaðist. Við mamma og pabbi stóðum þarna til hliðar. Ég reyndar meiddi mig aðeins í hnénu en tók ekki eftir því fyrr en daginn eftir. Ég var svo mikið að spá í líðan hans,“ segir Ólafía. Greinilegt er að um mikla lífsreynslu hefur verið að ræða en Ólafía féll í yfirlið skömmu eftir atburðina. Kærastinn var greindur með annars stigs bruna og er allur að koma til. „Hann er með stórt ör á fætinum og lítið ör í andlitinu. En ég held að það sé að hverfa,“ segir Ólafía. Sá þýski er einnig íþróttamaður í fremstu röð og keppir fyrir skólann í 800 metra hlaupi. „Hann er nú meira hörkutólið. Hann var mættur til keppni aðeins fimm dögum eftir slysið og komst meira að segja í úrslit,“ segir kærastan stolt. Ólafía var fjarri sínu besta á móti skömmu eftir sprenginguna. Greinilegt var að eitthvað var að angra hana og skildu þjálfararnir ekkert í gengi Ólafíu. Hún væri hreinlega ekki með sjálfri sér. Þegar þeir heyrðu af gassprengingunni skildu þeir betur hvernig málin stóðu og tóku á því. Daginn fyrir svæðismótið segist Ólafía hafa rætt í langan tíma við þjálfarana sem hafi hjálpað sér mikið. „Við spjölluðum í einn og hálfan tíma um allt mögulegt. Það hreinsaði hugann og ég hafði mjög gott af því. Þau sögðu mér að hætta að hugsa um skor, einbeita mér að sjálfri mér og hafa engar áhyggjur,“ segir Ólafía og uppleggið gekk heldur betur eftir.Ætlar að vera afslöppuðÓlafía ásamt félögum sínum við Wake Forest háskólann.Ólafíu líst vel á keppnisvöllinn í Georgíu sem hún spilaði fyrir tveimur árum. Hún segir völlinn mjög skemmtilegan og vel hægt að spila hann vel þótt auðvitað geti brugðið til beggja vona. „Hann er mjög hæðóttur og vötn og tré og alls konar vesen,“ segir Ólafía. Allir kylfingarnir 126 spila 72 holur en keppni lýkur á föstudag. „Ég hef æft stíft þannig að ég er vel undirbúin. Ég er auðvitað með mín markmið en ég ætla hins vegar inn í mótið án væntinga og vera afslöppuð.“ Ólafía nemur hagfræði við Wake Forest og gengur afar vel í skólanum. Hún kemur heim til Íslands á sunnudaginn og hlakkar mikið til. „Það verður gott að komast heim,“ segir kylfingurinn sem mun keppa á mótum á Íslandi fram í júlí. Þá heldur hún á Opna breska áhugamannamótið og spilar auk þess á Evrópumóti liða og á móti í Belgíu.Þannig komst Ólafía í úrslitinÓlafía Þórunn horfir á eftir boltanum.Mynd/WakeForestSports.comÓlafía Þórunn tryggði sér sæti í landsúrslitum NCAA með því að hafna í 8. sæti í svæðisúrslitum á dögunum. Svæðisúrslit fóru fram á þremur stöðum þar sem háskólalið um gjörvöll Bandaríkin kepptu. Átta háskólalið af hverju svæðanna þriggja tryggðu sér sæti í úrslitunum eða 24 lið alls. Hvert lið er skipað fimm kylfingum. Auk liðanna átta fá þeir tveir kylfingar með bestan árangur þátttökurétt í mótinu óháð því hvernig liði þeirra vegnar. Ólafía Þórunn hafnaði í 8. sæti í sínum svæðisúrslitum. Kylfingarnir sjö fyrir ofan hana voru hins vegar í liðum sem tryggðu sér sæti í landsúrslitum. Fyrir vikið komst Ólafía í lokakeppnina í Georgíu.Í góðra manna hópiLaura Diaz.Nordicphotos/GettyMargir úrvalskylfingar hafa numið við Wake Forest-háskólann. Fer þar fremstur í flokki Arnold Palmer, en æfingasvæði skólans er einmitt nefnt í höfuðið á honum. Þá hafa Bill Haas, Darren Clarke, Curtis Strange og Webb Simpson allir spilað fyrir háskólaliðið. Þá spilaði Laura Diaz fyrir skólann en kylfingurinn er eiginkona Kevins Diaz, þjálfara Ólafíu Þórunnar. Laura gekk einmitt til liðs við þjálfarateymið hjá Wake Forest í haust. Hún hefur unnið rúmlega 600 milljónir króna í verðlaunafé á ferli sínum. Golf Mest lesið Sló golfhögg með krókódíl rétt fyrir aftan sig Golf „Mér finnst hún skipta sér af málum sem koma henni ekki við“ Fótbolti LeBron boðar aðra Ákvörðun Körfubolti Bjargaði lífi mótherja í miðjum leik Fótbolti „Skil ekki hvernig má kýla einhvern í andlitið?“ Íslenski boltinn Sekúndubrot á milli Tomma og Nablans í fyrstu grein Ólympíuleika Extra Sport Metár hjá David Beckham Fótbolti Stórefnilegur og hafnaði níu milljarða króna samningi Sport „Enginn vissi hvað ég var að ganga í gegnum“ Fótbolti Engar leynilegar viðræður í gangi um framtíð Meistaradeildarinnar Fótbolti Fleiri fréttir Sló golfhögg með krókódíl rétt fyrir aftan sig „Heimskulegt og asnalegt hjá mér“ „Ertu að horfa Donald Trump?“ Bjór kastað í konu McIlroy: „Þurfti að þola ótrúlegt magn af svívirðingum“ Evrópa marði Ryder-bikarinn á dramatískan hátt Bandaríkin í brekku en reyna að klóra í bakkann Grínisti hættir og biðst afsökunar á að hafa byrjað níðsöngva í garð Rory Fyrirliði Bandaríkjanna ver gjammandi stuðningsmennina Evrópa með afgerandi forystu fyrir lokadaginn Sagði áhorfanda að naglhalda kjafti Bandaríkin með bakið upp við vegg Fyrirliði Evrópu greinir frá því hvað Trump sagði við hann Trump missir ekki trúna: „Við munum klára þetta“ Bara einn spáði Bandaríkjunum sigri og annar vissi ekkert um Ryder-bikarinn „Keppni sem allir golfáhugamenn elska“ Svona hefst Ryder-bikarinn: „Viljum ná öflugri byrjun“ Þora ekki að horfa á strákinn vegna fúkyrðaflaums Fyrirliði Evrópu baunar á Bandaríkin: „Drifnir áfram af einhverju sem peningar geta ekki keypt“ Stjörnustjarfur þegar hann sá Zola á Ryder bikarnum Varar við áhorfendum á Ryder Cup: „Hey Rahmbo, hvar er Ozempicið?“ Bandarísku kylfingarnir gefa Ryder-launin eftir gagnrýni Gunnlaugur Árni næstefstur og verður á Golf Channel í kvöld Rosalegt prump samherja setti Hatton út af laginu Ragnhildur endaði önnur eftir bráðabana Vaknaði útataður í eigin ælu eftir að hafa komist í Ryder-lið Evrópu Andrea tók sjötta sætið Stórsér á stjörnunni eftir leikfang dótturinnar Eina breytingin á Ryderliðinu var að skipta um tvíbura Sjá meira
Ólafía Þórunn Kristinsdóttir hefur í dag leik í landsúrslitum bandaríska háskólagolfsins NCAA í Georgíufylki. Hún er sjötti kylfingurinn í sögu Wake Forest-háskólans í Norður-Karólínufylki sem kemst þangað af eigin rammleik og sú fyrsta sem nær þeim árangri í tólf ár. „Ég vissi af möguleikanum á að komast í landsúrslitin eftir að hafa skoðað stöðuna fyrir lokahringinn,“ segir Ólafía en mjótt var á munum meðal efstu kylfinga. „Möguleikinn var því fyrir hendi ef ég myndi spila mjög vel,“ segir Ólafía og er óhætt að segja að sú hafi orðið raunin. Hún fékk sex fugla á hringnum og var á fimm höggum undir pari fyrir átjándu holuna. Gera þurfti tveggja tíma hlé á keppni vegna veðurs sem sló okkar konu aðeins út af laginu. Hún fékk tvöfaldan skolla en sem betur fer dugði skorið henni til einstaks árangurs. Sæti í úrslitum í Georgíu.GassprengingÓlafía fagnar sætinu í landsúrslitum NCAA.Foreldrar Ólafíu sóttu dóttur sína heim í Winston-Salem í Norður-Karólínu á dögunum. Ólafía á þýskan kærasta og ætluðu þau að grilla ofan í gestina þegar mikil gassprenging varð. Kærastinn brenndist illa og var farið með hann rakleiðis á spítala. „Hann var sá eini sem slasaðist. Við mamma og pabbi stóðum þarna til hliðar. Ég reyndar meiddi mig aðeins í hnénu en tók ekki eftir því fyrr en daginn eftir. Ég var svo mikið að spá í líðan hans,“ segir Ólafía. Greinilegt er að um mikla lífsreynslu hefur verið að ræða en Ólafía féll í yfirlið skömmu eftir atburðina. Kærastinn var greindur með annars stigs bruna og er allur að koma til. „Hann er með stórt ör á fætinum og lítið ör í andlitinu. En ég held að það sé að hverfa,“ segir Ólafía. Sá þýski er einnig íþróttamaður í fremstu röð og keppir fyrir skólann í 800 metra hlaupi. „Hann er nú meira hörkutólið. Hann var mættur til keppni aðeins fimm dögum eftir slysið og komst meira að segja í úrslit,“ segir kærastan stolt. Ólafía var fjarri sínu besta á móti skömmu eftir sprenginguna. Greinilegt var að eitthvað var að angra hana og skildu þjálfararnir ekkert í gengi Ólafíu. Hún væri hreinlega ekki með sjálfri sér. Þegar þeir heyrðu af gassprengingunni skildu þeir betur hvernig málin stóðu og tóku á því. Daginn fyrir svæðismótið segist Ólafía hafa rætt í langan tíma við þjálfarana sem hafi hjálpað sér mikið. „Við spjölluðum í einn og hálfan tíma um allt mögulegt. Það hreinsaði hugann og ég hafði mjög gott af því. Þau sögðu mér að hætta að hugsa um skor, einbeita mér að sjálfri mér og hafa engar áhyggjur,“ segir Ólafía og uppleggið gekk heldur betur eftir.Ætlar að vera afslöppuðÓlafía ásamt félögum sínum við Wake Forest háskólann.Ólafíu líst vel á keppnisvöllinn í Georgíu sem hún spilaði fyrir tveimur árum. Hún segir völlinn mjög skemmtilegan og vel hægt að spila hann vel þótt auðvitað geti brugðið til beggja vona. „Hann er mjög hæðóttur og vötn og tré og alls konar vesen,“ segir Ólafía. Allir kylfingarnir 126 spila 72 holur en keppni lýkur á föstudag. „Ég hef æft stíft þannig að ég er vel undirbúin. Ég er auðvitað með mín markmið en ég ætla hins vegar inn í mótið án væntinga og vera afslöppuð.“ Ólafía nemur hagfræði við Wake Forest og gengur afar vel í skólanum. Hún kemur heim til Íslands á sunnudaginn og hlakkar mikið til. „Það verður gott að komast heim,“ segir kylfingurinn sem mun keppa á mótum á Íslandi fram í júlí. Þá heldur hún á Opna breska áhugamannamótið og spilar auk þess á Evrópumóti liða og á móti í Belgíu.Þannig komst Ólafía í úrslitinÓlafía Þórunn horfir á eftir boltanum.Mynd/WakeForestSports.comÓlafía Þórunn tryggði sér sæti í landsúrslitum NCAA með því að hafna í 8. sæti í svæðisúrslitum á dögunum. Svæðisúrslit fóru fram á þremur stöðum þar sem háskólalið um gjörvöll Bandaríkin kepptu. Átta háskólalið af hverju svæðanna þriggja tryggðu sér sæti í úrslitunum eða 24 lið alls. Hvert lið er skipað fimm kylfingum. Auk liðanna átta fá þeir tveir kylfingar með bestan árangur þátttökurétt í mótinu óháð því hvernig liði þeirra vegnar. Ólafía Þórunn hafnaði í 8. sæti í sínum svæðisúrslitum. Kylfingarnir sjö fyrir ofan hana voru hins vegar í liðum sem tryggðu sér sæti í landsúrslitum. Fyrir vikið komst Ólafía í lokakeppnina í Georgíu.Í góðra manna hópiLaura Diaz.Nordicphotos/GettyMargir úrvalskylfingar hafa numið við Wake Forest-háskólann. Fer þar fremstur í flokki Arnold Palmer, en æfingasvæði skólans er einmitt nefnt í höfuðið á honum. Þá hafa Bill Haas, Darren Clarke, Curtis Strange og Webb Simpson allir spilað fyrir háskólaliðið. Þá spilaði Laura Diaz fyrir skólann en kylfingurinn er eiginkona Kevins Diaz, þjálfara Ólafíu Þórunnar. Laura gekk einmitt til liðs við þjálfarateymið hjá Wake Forest í haust. Hún hefur unnið rúmlega 600 milljónir króna í verðlaunafé á ferli sínum.
Golf Mest lesið Sló golfhögg með krókódíl rétt fyrir aftan sig Golf „Mér finnst hún skipta sér af málum sem koma henni ekki við“ Fótbolti LeBron boðar aðra Ákvörðun Körfubolti Bjargaði lífi mótherja í miðjum leik Fótbolti „Skil ekki hvernig má kýla einhvern í andlitið?“ Íslenski boltinn Sekúndubrot á milli Tomma og Nablans í fyrstu grein Ólympíuleika Extra Sport Metár hjá David Beckham Fótbolti Stórefnilegur og hafnaði níu milljarða króna samningi Sport „Enginn vissi hvað ég var að ganga í gegnum“ Fótbolti Engar leynilegar viðræður í gangi um framtíð Meistaradeildarinnar Fótbolti Fleiri fréttir Sló golfhögg með krókódíl rétt fyrir aftan sig „Heimskulegt og asnalegt hjá mér“ „Ertu að horfa Donald Trump?“ Bjór kastað í konu McIlroy: „Þurfti að þola ótrúlegt magn af svívirðingum“ Evrópa marði Ryder-bikarinn á dramatískan hátt Bandaríkin í brekku en reyna að klóra í bakkann Grínisti hættir og biðst afsökunar á að hafa byrjað níðsöngva í garð Rory Fyrirliði Bandaríkjanna ver gjammandi stuðningsmennina Evrópa með afgerandi forystu fyrir lokadaginn Sagði áhorfanda að naglhalda kjafti Bandaríkin með bakið upp við vegg Fyrirliði Evrópu greinir frá því hvað Trump sagði við hann Trump missir ekki trúna: „Við munum klára þetta“ Bara einn spáði Bandaríkjunum sigri og annar vissi ekkert um Ryder-bikarinn „Keppni sem allir golfáhugamenn elska“ Svona hefst Ryder-bikarinn: „Viljum ná öflugri byrjun“ Þora ekki að horfa á strákinn vegna fúkyrðaflaums Fyrirliði Evrópu baunar á Bandaríkin: „Drifnir áfram af einhverju sem peningar geta ekki keypt“ Stjörnustjarfur þegar hann sá Zola á Ryder bikarnum Varar við áhorfendum á Ryder Cup: „Hey Rahmbo, hvar er Ozempicið?“ Bandarísku kylfingarnir gefa Ryder-launin eftir gagnrýni Gunnlaugur Árni næstefstur og verður á Golf Channel í kvöld Rosalegt prump samherja setti Hatton út af laginu Ragnhildur endaði önnur eftir bráðabana Vaknaði útataður í eigin ælu eftir að hafa komist í Ryder-lið Evrópu Andrea tók sjötta sætið Stórsér á stjörnunni eftir leikfang dótturinnar Eina breytingin á Ryderliðinu var að skipta um tvíbura Sjá meira