160 milljónir í verðlaunafé

Tryggingafélagið Lloyd´s of London hefur heitið allt að 160 milljónum íslenskra króna í verðlaun þeim sem gefur upplýsingar sem leiða til þess að skartgripum sem var rænt í Cannes fyrr í sumar finnist. Skartgriparánið sem átti sér stað 28. júní síðastliðinn er talið vera eitt stærsta skartgriparán sögunnar.

Það var snemma dags sem vopnaður maður með andlitið hulið braust inn um glugga á svölum lúxushótelsins Carlton í Cannes og hafði á brott með sér skartgripi sem voru hluti af sýningarskartgripum í eigu ísraelska milljarðamæringsins Lev Leviev. Verðmæti þess sem rænt var er metið á um 16 milljarða íslenskra króna.

Töluvert hefur verið um rán sem þessi í Cannes undanfarið og meðal annars var skartgripum að virði 120 milljónum íslenskra króna á meðan kvikmyndahátíðin í maí stóð yfir.