ÍH vann sex marka sigur á Þrótti 29-23 í fyrstu umferð 1. deildar karla í handbolta í gær.
Gestirnir úr Hafnarfirði, sem mættir eru til leiks á nýjan leik eftir nokkra fjarveru, komust í 4-1 og höfðu frumkvæðið út leikinn.
ÍH leiddi 14-9 í hálfleik og landaði sex marka sigri. Þorkell Magnússon og Stefán Tómas Þórarinsson skoruðu sex mörk hvor fyrir gestina. Leifur Jóhannsson skoraði níu fyrir Þrótt.
Selfoss, Afturelding og Fjölnir unnu leiki sína á föstudaginn. KR, Stjarnan og Hamrarnir eiga enn eftir að leika sína fyrstu leiki í deildinni. Ellefu lið eru í deildinni og því þarf eitt lið að sitja hjá í hverri umferð.
KR tekur á móti Stjörnunni á föstudagskvöldið og Hamrarnir fá Þrótt í heimsókn í KA-heimilið á laugardaginn.
ÍH byrjaði með sigri
Kolbeinn Tumi Daðason skrifar

Mest lesið






Barcelona rúllaði yfir Como
Fótbolti


Þjóðverjar unnu Doncic lausa Slóvena
Körfubolti


Crystal Palace vann Samfélagsskjöldinn
Enski boltinn