Fer bikarinn á loft í kvöld?

Stjarnan úr Garðabæ hefur komið allra liða mest á óvart í vetur. Síðustu ár hefur N1-deild kvenna verið tveggja hesta hlaup á milli Vals og Fram. Stjarnan hefur breytt því.

Stjörnustúlkur gerðu sér lítið fyrir og sendu Íslandsmeistara síðustu þriggja ára, Val, í sumarfrí í undanúrslitum deildarinnar og liðið er nú aðeins einum sigri frá Íslandsmeistaratitilinn.

Stjarnan leiðir einvígið gegn Fram, 2-1, og til þess að verða meistari þarf liðið að afreka það sem ekki hefur tekist að gera í úrslitaeinvíginu – vinna heimaleik.

Útiliðið hefur unnið alla þrjá fyrstu leikina sem verður að teljast óvenjulegt. Takist Stjörnunni ekki að vinna í kvöld þá mætast liðin í oddaleik í Safamýrinni á sunnudag.

Leikurinn í Mýrinni í kvöld hefst klukkan 18.45 og verður hann í beinni textalýsingu á Boltavakt Vísis og Fréttablaðsins.