Stingur í augu og eyru Kjartan Guðmundsson skrifar 13. júní 2013 14:00 Jimmy Eat World Nordicphotos/getty Ein af þeim grúppum sem eru í þann mund að vaða í festivala-sumarrúntinn um Evrópu og víðar er hin erkiameríska Jimmy Eat World, band sem hefur skotið upp kollinum reglulega síðustu tuttugu árin með fremur þreytulegt háskólarokk og er kannski helst þekkt fyrir síbyljukennda smellinn The Middle („Everything, everything will be alright, alright“) sem reið húsum í upphafi aldarinnar. Undirritaður hefur þó alla tíð eingöngu haft áhuga á Jimmy Eat World vegna nafns hljómsveitarinnar, sem hlýtur að vera það allra versta sem heyrst hefur á byggðu bóli í gervallri sögu mannkyns. Í rauninni er verðugt rannsóknarefni fyrir hvers kyns fræðimenn að kanna hvernig í ósköpunum er mögulegt að láta sér detta slíkan óskapnað í hug. Jimmy Eat World. Þetta hljómsveitarnafn hefur ekkert við sig, er hvorki fyndið né frumlegt, felur ekki í sér vott af reisn (sem er reyndar býsna viðeigandi í tilfelli þessarar ákveðnu sveitar) og er ekki lýsandi fyrir eitt né neitt. Aldrei. Á tímabili voru uppi sögusagnir um að skammstöfunin, J.E.W., væri vísun til þeirrar trúar sem meðlimir bandsins aðhyllast en þær gróusögur reyndust argasta bull og vitleysa, rétt eins og fáránleg nafngiftin. Svei mér þá ef „Blubbs“ væri ekki hentugra nafn á hljómsveit. Það hefur þó einhvers konar skírskotun (fyrir suma). En auðvitað er nóg til af martraðakenndum hljómsveitanöfnum um allan heim. Í könnun Fréttablaðsins fyrir nokkrum misserum völdu álitsgjafar Pláhnetu Stebba Hilmars og félaga versta íslenska nafnið, en skammt á hæla þess fylgdu Soðin fiðla, Klamedía X, 8-villt, Gildrumezz og fleiri, og að sönnu er nærri ómögulegt að ímynda sér nokkurt þessara banda sigrandi heiminn með tónlist sinni. Þess vegna er ótrúlegt til þess að hugsa hvernig sumir, eins og meðlimir téðrar Jimmy Eat World, hafa sloppið með að velja hljómsveitum sínum ömurleg nöfn og fengið fjölda fólks til að líta fram hjá hryllingnum. Sigur Rós er til að mynda hræðilegt nafn. Líka Three Doors Down, Beady Eye, Hoobastank og Ned‘s Atomic Dustbin, sem hafa selt glás af plötum. The Beatles er meira að segja glataður fimmaur sem hefði ekki átt að fá að lifa lengur en einn konsert í Cavern-klúbbnum. „Gott kvöld, Madison Square Garden! Bjóðið velkomin á svið: Sixpence None the Richer!“ Þetta hefði alls ekki átt að ganga en gerði það samt. Aldrei segja aldrei. Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Býr beint fyrir neðan barnsmóður sína Lífið Fleiri fréttir Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans „Öll dýrin í skóginum voru vinir“ Úr kjallaranum hjá mömmu yfir á stóra sviðið „Óljósir, fallegir og stundum óþægilegir hlutir“ Opnar sig um stormasamt hjónaband á nýju plötunni Borgin býður í tívolíveislu Dylan leggur blátt símabann á tónleikagesti „Gerum allt fyrir konurnar í okkar lífi“ Quarashi á Lopapeysunni: „Við erum synir Akraness“ „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Sjá meira
Ein af þeim grúppum sem eru í þann mund að vaða í festivala-sumarrúntinn um Evrópu og víðar er hin erkiameríska Jimmy Eat World, band sem hefur skotið upp kollinum reglulega síðustu tuttugu árin með fremur þreytulegt háskólarokk og er kannski helst þekkt fyrir síbyljukennda smellinn The Middle („Everything, everything will be alright, alright“) sem reið húsum í upphafi aldarinnar. Undirritaður hefur þó alla tíð eingöngu haft áhuga á Jimmy Eat World vegna nafns hljómsveitarinnar, sem hlýtur að vera það allra versta sem heyrst hefur á byggðu bóli í gervallri sögu mannkyns. Í rauninni er verðugt rannsóknarefni fyrir hvers kyns fræðimenn að kanna hvernig í ósköpunum er mögulegt að láta sér detta slíkan óskapnað í hug. Jimmy Eat World. Þetta hljómsveitarnafn hefur ekkert við sig, er hvorki fyndið né frumlegt, felur ekki í sér vott af reisn (sem er reyndar býsna viðeigandi í tilfelli þessarar ákveðnu sveitar) og er ekki lýsandi fyrir eitt né neitt. Aldrei. Á tímabili voru uppi sögusagnir um að skammstöfunin, J.E.W., væri vísun til þeirrar trúar sem meðlimir bandsins aðhyllast en þær gróusögur reyndust argasta bull og vitleysa, rétt eins og fáránleg nafngiftin. Svei mér þá ef „Blubbs“ væri ekki hentugra nafn á hljómsveit. Það hefur þó einhvers konar skírskotun (fyrir suma). En auðvitað er nóg til af martraðakenndum hljómsveitanöfnum um allan heim. Í könnun Fréttablaðsins fyrir nokkrum misserum völdu álitsgjafar Pláhnetu Stebba Hilmars og félaga versta íslenska nafnið, en skammt á hæla þess fylgdu Soðin fiðla, Klamedía X, 8-villt, Gildrumezz og fleiri, og að sönnu er nærri ómögulegt að ímynda sér nokkurt þessara banda sigrandi heiminn með tónlist sinni. Þess vegna er ótrúlegt til þess að hugsa hvernig sumir, eins og meðlimir téðrar Jimmy Eat World, hafa sloppið með að velja hljómsveitum sínum ömurleg nöfn og fengið fjölda fólks til að líta fram hjá hryllingnum. Sigur Rós er til að mynda hræðilegt nafn. Líka Three Doors Down, Beady Eye, Hoobastank og Ned‘s Atomic Dustbin, sem hafa selt glás af plötum. The Beatles er meira að segja glataður fimmaur sem hefði ekki átt að fá að lifa lengur en einn konsert í Cavern-klúbbnum. „Gott kvöld, Madison Square Garden! Bjóðið velkomin á svið: Sixpence None the Richer!“ Þetta hefði alls ekki átt að ganga en gerði það samt. Aldrei segja aldrei.
Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Býr beint fyrir neðan barnsmóður sína Lífið Fleiri fréttir Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans „Öll dýrin í skóginum voru vinir“ Úr kjallaranum hjá mömmu yfir á stóra sviðið „Óljósir, fallegir og stundum óþægilegir hlutir“ Opnar sig um stormasamt hjónaband á nýju plötunni Borgin býður í tívolíveislu Dylan leggur blátt símabann á tónleikagesti „Gerum allt fyrir konurnar í okkar lífi“ Quarashi á Lopapeysunni: „Við erum synir Akraness“ „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Sjá meira
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“