Umfjöllun og viðtöl: Haukar - FH 21-22 | FH á montréttinn Benedikt Grétarsson skrifar 25. mars 2013 15:23 Mynd/Daníel Það verða FH-ingar sem halda montréttinum í Hafnarfirði næstu dagana en liðið sigraði granna sína í Haukum, 21-22, í lokaumferð N1-deildarinnar í kvöld. FH hafði fjögurra marka forystu í hálfleik, 9-13. Haukar minnkuðu muninn í eitt mark í síðari hálfleik en komust ekki nær og FH fagnaði sigri. Þetta var þriðja tap Hauka í röð og ljóst að deildarmeistararnir þurfa að bæta sinn leik verulega ef liðið ætlar sér stóra hluti í úrslitakeppninni. Haukar mæta ÍR-ingum í úrslitakeppninni sem hefst eftir páskafrí en FH mætir Fram. Markahæstur í liði FH var Einar Rafn Eiðsson með 5 mörk en Árni Steinn Steinþórsson var markahæstur hjá Haukum með 7 mörk. Haukar mættu til leiks án Gylfa Gylfasonar og Arons Rafns Eðvarðssonar en fjarvera þeirra virtist ekki há heimamönnum í upphafi leiks. Haukar spiluðu sterka vörn og komust í 2-0. Töluverð stemming var í herbúðum þeirra rauðklæddu og gestirnir úr Krikanum virkuðu ráðvilltir í upphafi. Þessi góða byrjun Hauka var þó innistæulaus tékki og ekki leið á löngu þar til FH náði góðum tökum á leiknum. Gestirnir skoruðu átta mörk gegn einu á 12 mínútna kafla og komust í þægilega 5 marka forystu, 8-3. FH hélt undirtökunum út hálfeikinn og komst mest í 7 marka forystu í stöðunni 13-6. Heimamenn náðu aðeins að laga stöðuna áður en hálfleiksflautan gall og því munaði fjórum mörkum í hálfleik, 9-13. Deildarmeistararnir mættu afskaplega grimmir til leiks í síðari hálfleik eftir ákveðna ræðu Arons Kristjánssonar og voru búnir að minnka muninn í aðeins eitt mark eftir fjögurra mínútna leik. Sóknarleikur Hauka hafði verið í molum í fyrri hálfleik en gekk mun betur á þessum kafla. FH spýtti í lófana að nýju og náði aftur að rykkja frá heimamönnum. Haukar neituðu að gefast upp og þegar 13 mínútur voru til leiksloka, munaði aftur einu marki, 18-19. Gestirnir frá Kaplakrika náðu þá aftur góðum kafla og kláruðu leikinn með sterkum varnarleik og öguðum sóknarleik. Engu skipti þó að Haukar skoruðu síðustu 3 mörk leiksins, FH sigraði með einu marki og verður sá sigur að teljast sanngjarn. Varnarleikur FH var lykillinn að þessum sigri í kvöld og liðið á hrós skilið fyrir að halda sínu striki, þrátt fyrir áhlaup Hauka. FH mætir Fram í úrslitakepninni og það verða án efa hörku viðureignir. Haukar voru stirðir sóknarlega, ekki í fyrsta sinn. Vörnin var hins vegar ágæt og Einar Ólafur átti fína innkomu í markið. Hauka bíður erfitt verkefni í úrslitakeppninni, gegn nýkrýndum bikarmeisturum ÍR.Einar Andri: Alltof löng pása framundan „Ég er mjög ánægður með liðið, að gíra sig upp í þannig lagað þýðingarlausan leik þó að hann hafi vissulega þýðingu fyrir fjölmarga Hafnfirðinga," sagði Einar Andri Einarsson, þjálfari FH eftir leik. „Við spiluðum á löngum köflum ágætan handbolta og ég er bara sáttur." Einar var sáttur við varnarleik sinna manna og sagði hann gott framhald á leiknum við Fram. „Markvarslan var líka ágæt en við lentum í smá vandræðum í sókninni þegar Haukarnir fóru að ganga betur út í okkur." „Þessi pása sem við erum að fara í núna vegna páska og landsliðsverkefna er vissulega nokkuð löng og ég held að það skipti engu máli hvort að maður hafi verið að vinna eða tapa, hún er bara mjög löng. Svona er þetta bara og ekkert við þessu að gera." Þjálfarinn þarf ekki að hitta Haukamenn á morgun þegar hann mætir til vinnu. „Ég vinn nú ekki með mörgum Haukamönnum en ég vinn með fullt af FH-ingum sem hefðu látið mig fá það óþvegið ef leikurinn hefði tapast," sagði Einar léttur að lokum.Aron: Hundfúlt að tapa gegn FH Aron Kristjánsson, þjálfari Hauka, var frekar vonsvikinn eftir tap gegn erkifjendunum. „Ég er auðvitað bara hundfúll að tapa aftur gegn FH, okkar öðrum leik í röð. Það er aldrei gaman og venst aldrei. Fyrri hálfleikurinn var bara hundlélegur en ég er sáttur við vinnuframlagið hjá mínum mönnum í síðari hálfleik." „Þetta þróaðist svolítið svona stöngin-út hjá okkur í síðari hálfleiknum á ögurstundu en baráttan var góð og frammistaða Einars í markinu var virkilega ánægjuleg. Skotnýtingin hjá skyttunum er hins vegar mjög léleg og þarf að batna." Deildarmeistararnir mæta bikarmeisturum ÍR í úrslitakeppninni og Aron viðurkennir að það verði erfitt verkefni. „Þeir eru með hörkulið og eru auðvitað nýbúnir að landa bikarnum. Við höfum unnið þá tvisvar í vetur og þeir okkur sömuleiðis tvisvar. Þeir eru búnir að vera stöðugri en við eftir áramót og kannski verður einhver pressa á þeim að halda þeim standard inn í úrslitakeppnina."Andri Berg: Best að vera heima Varnarbuffið Andri Berg var brosmildur eftir leik, enda nýbúinn að sigra „litla bróður". „Það er bara geggjað að vinna Hauka. Það skiptir engu hvað er í gangi í deildinni þegar þessir leikir eru spilaðir, þetta er alltaf brjáluð barátta." Andra finnst ákveðinn stígandi vera í leik FH eftir tvo góða sigra á sterkum liðum Fram og Hauka. „Við komum sterkir varnarlega í þennan leik og við erum með fínan stíganda í liðinu. Það verður æðislegt að mæta mínum gömlu félögum." Andri getur ekki annað en viðurkennt að það sé gott að vera kominn aftur í Krikann. „Það er langbest að vera heima, ekki spurning. Heima er best," sagði Andri brosandi. Olís-deild karla Mest lesið Sextán manns í fullu starfi við að þjónusta Ronaldo Fótbolti Uppgjörið: Vestri - ÍA 0-2 | Sigur í fyrsta leik Lárusar Orra Íslenski boltinn Leik lokið: Víkingur - Afturelding 2-1 | Víkingar sluppu með skrekkinn Íslenski boltinn Körfuboltaspjald með Jordan seldist á 243 milljónir króna Körfubolti Sagði bíl Red Bull vera algjörlega óökuhæfan Formúla 1 Senda konurnar í Evrópukeppni en ekki karlana Handbolti Leik lokið: KR - FH 3-2 | Eiður Gauti hetja KR-inga Íslenski boltinn Þrenna á föstudagskvöldi og háskólagráða á laugardegi Íslenski boltinn Stelpurnar stungu sér til sunds í vatninu Fótbolti Færeyingar unnu bronsið á HM U21 í handbolta Handbolti Fleiri fréttir Færeyingar unnu bronsið á HM U21 í handbolta Senda konurnar í Evrópukeppni en ekki karlana Aðeins Færeyingurinn öflugi hefur búið til fleiri mörk á HM en Elmar Færeyingar töpuðu eftir tvíframlengdan leik Forsetabikarinn rann Íslandi úr greipum Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri Sjá meira
Það verða FH-ingar sem halda montréttinum í Hafnarfirði næstu dagana en liðið sigraði granna sína í Haukum, 21-22, í lokaumferð N1-deildarinnar í kvöld. FH hafði fjögurra marka forystu í hálfleik, 9-13. Haukar minnkuðu muninn í eitt mark í síðari hálfleik en komust ekki nær og FH fagnaði sigri. Þetta var þriðja tap Hauka í röð og ljóst að deildarmeistararnir þurfa að bæta sinn leik verulega ef liðið ætlar sér stóra hluti í úrslitakeppninni. Haukar mæta ÍR-ingum í úrslitakeppninni sem hefst eftir páskafrí en FH mætir Fram. Markahæstur í liði FH var Einar Rafn Eiðsson með 5 mörk en Árni Steinn Steinþórsson var markahæstur hjá Haukum með 7 mörk. Haukar mættu til leiks án Gylfa Gylfasonar og Arons Rafns Eðvarðssonar en fjarvera þeirra virtist ekki há heimamönnum í upphafi leiks. Haukar spiluðu sterka vörn og komust í 2-0. Töluverð stemming var í herbúðum þeirra rauðklæddu og gestirnir úr Krikanum virkuðu ráðvilltir í upphafi. Þessi góða byrjun Hauka var þó innistæulaus tékki og ekki leið á löngu þar til FH náði góðum tökum á leiknum. Gestirnir skoruðu átta mörk gegn einu á 12 mínútna kafla og komust í þægilega 5 marka forystu, 8-3. FH hélt undirtökunum út hálfeikinn og komst mest í 7 marka forystu í stöðunni 13-6. Heimamenn náðu aðeins að laga stöðuna áður en hálfleiksflautan gall og því munaði fjórum mörkum í hálfleik, 9-13. Deildarmeistararnir mættu afskaplega grimmir til leiks í síðari hálfleik eftir ákveðna ræðu Arons Kristjánssonar og voru búnir að minnka muninn í aðeins eitt mark eftir fjögurra mínútna leik. Sóknarleikur Hauka hafði verið í molum í fyrri hálfleik en gekk mun betur á þessum kafla. FH spýtti í lófana að nýju og náði aftur að rykkja frá heimamönnum. Haukar neituðu að gefast upp og þegar 13 mínútur voru til leiksloka, munaði aftur einu marki, 18-19. Gestirnir frá Kaplakrika náðu þá aftur góðum kafla og kláruðu leikinn með sterkum varnarleik og öguðum sóknarleik. Engu skipti þó að Haukar skoruðu síðustu 3 mörk leiksins, FH sigraði með einu marki og verður sá sigur að teljast sanngjarn. Varnarleikur FH var lykillinn að þessum sigri í kvöld og liðið á hrós skilið fyrir að halda sínu striki, þrátt fyrir áhlaup Hauka. FH mætir Fram í úrslitakepninni og það verða án efa hörku viðureignir. Haukar voru stirðir sóknarlega, ekki í fyrsta sinn. Vörnin var hins vegar ágæt og Einar Ólafur átti fína innkomu í markið. Hauka bíður erfitt verkefni í úrslitakeppninni, gegn nýkrýndum bikarmeisturum ÍR.Einar Andri: Alltof löng pása framundan „Ég er mjög ánægður með liðið, að gíra sig upp í þannig lagað þýðingarlausan leik þó að hann hafi vissulega þýðingu fyrir fjölmarga Hafnfirðinga," sagði Einar Andri Einarsson, þjálfari FH eftir leik. „Við spiluðum á löngum köflum ágætan handbolta og ég er bara sáttur." Einar var sáttur við varnarleik sinna manna og sagði hann gott framhald á leiknum við Fram. „Markvarslan var líka ágæt en við lentum í smá vandræðum í sókninni þegar Haukarnir fóru að ganga betur út í okkur." „Þessi pása sem við erum að fara í núna vegna páska og landsliðsverkefna er vissulega nokkuð löng og ég held að það skipti engu máli hvort að maður hafi verið að vinna eða tapa, hún er bara mjög löng. Svona er þetta bara og ekkert við þessu að gera." Þjálfarinn þarf ekki að hitta Haukamenn á morgun þegar hann mætir til vinnu. „Ég vinn nú ekki með mörgum Haukamönnum en ég vinn með fullt af FH-ingum sem hefðu látið mig fá það óþvegið ef leikurinn hefði tapast," sagði Einar léttur að lokum.Aron: Hundfúlt að tapa gegn FH Aron Kristjánsson, þjálfari Hauka, var frekar vonsvikinn eftir tap gegn erkifjendunum. „Ég er auðvitað bara hundfúll að tapa aftur gegn FH, okkar öðrum leik í röð. Það er aldrei gaman og venst aldrei. Fyrri hálfleikurinn var bara hundlélegur en ég er sáttur við vinnuframlagið hjá mínum mönnum í síðari hálfleik." „Þetta þróaðist svolítið svona stöngin-út hjá okkur í síðari hálfleiknum á ögurstundu en baráttan var góð og frammistaða Einars í markinu var virkilega ánægjuleg. Skotnýtingin hjá skyttunum er hins vegar mjög léleg og þarf að batna." Deildarmeistararnir mæta bikarmeisturum ÍR í úrslitakeppninni og Aron viðurkennir að það verði erfitt verkefni. „Þeir eru með hörkulið og eru auðvitað nýbúnir að landa bikarnum. Við höfum unnið þá tvisvar í vetur og þeir okkur sömuleiðis tvisvar. Þeir eru búnir að vera stöðugri en við eftir áramót og kannski verður einhver pressa á þeim að halda þeim standard inn í úrslitakeppnina."Andri Berg: Best að vera heima Varnarbuffið Andri Berg var brosmildur eftir leik, enda nýbúinn að sigra „litla bróður". „Það er bara geggjað að vinna Hauka. Það skiptir engu hvað er í gangi í deildinni þegar þessir leikir eru spilaðir, þetta er alltaf brjáluð barátta." Andra finnst ákveðinn stígandi vera í leik FH eftir tvo góða sigra á sterkum liðum Fram og Hauka. „Við komum sterkir varnarlega í þennan leik og við erum með fínan stíganda í liðinu. Það verður æðislegt að mæta mínum gömlu félögum." Andri getur ekki annað en viðurkennt að það sé gott að vera kominn aftur í Krikann. „Það er langbest að vera heima, ekki spurning. Heima er best," sagði Andri brosandi.
Olís-deild karla Mest lesið Sextán manns í fullu starfi við að þjónusta Ronaldo Fótbolti Uppgjörið: Vestri - ÍA 0-2 | Sigur í fyrsta leik Lárusar Orra Íslenski boltinn Leik lokið: Víkingur - Afturelding 2-1 | Víkingar sluppu með skrekkinn Íslenski boltinn Körfuboltaspjald með Jordan seldist á 243 milljónir króna Körfubolti Sagði bíl Red Bull vera algjörlega óökuhæfan Formúla 1 Senda konurnar í Evrópukeppni en ekki karlana Handbolti Leik lokið: KR - FH 3-2 | Eiður Gauti hetja KR-inga Íslenski boltinn Þrenna á föstudagskvöldi og háskólagráða á laugardegi Íslenski boltinn Stelpurnar stungu sér til sunds í vatninu Fótbolti Færeyingar unnu bronsið á HM U21 í handbolta Handbolti Fleiri fréttir Færeyingar unnu bronsið á HM U21 í handbolta Senda konurnar í Evrópukeppni en ekki karlana Aðeins Færeyingurinn öflugi hefur búið til fleiri mörk á HM en Elmar Færeyingar töpuðu eftir tvíframlengdan leik Forsetabikarinn rann Íslandi úr greipum Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri Sjá meira