Gugga þarf að rifja upp Verzló-þýskuna sína Kolbeinn Tumi Daðason skrifar 9. desember 2013 20:14 Mynd/Guðmundur Svansson „Ég er í skýjunum og ótrúlega spennt. Ég hlakka til að mæta til æfinga en er jafnframt pínu stressuð. Ég geri mér grein fyrir að þetta verður ekki auðvelt,“ segir Guðbjörg Gunnarsdóttir. Landsliðsmarkvörðurinn hefur skrifað undir samning við þýska stórliðið Turbine Potsdam. Guðbjörg æfði með þýska liðinu á dögunum og fékk í kjölfarið samningstilboð. Hún gerði gagntilboð og niðurstaða fékk í málið. „Ég er ánægð með samninginn,“ sagði Guðbjörg sem vildi ekki ræða innihald hans sérstaklega. Hann væri til eins og hálfs árs eða út keppnistímabilið 2014-15. Ljóst er að samkeppnin hjá Potsdam er mikil og skiptir þá engu um hvaða leikstöðu ræðir. Liðið hefur orðið þýskur meistari fjögur ár af síðustu fimm og tvívegis Evrópumeistari undanfarin áratug. Þrír markverðir eru fyrir á mála hjá þýska liðinu en Ann-Katrin Berger hefur spilað alla leikina á keppnistímabilinu.Guðbjörg ásamt Hólmfríði Magnúsdóttur og Dóru Maríu Lárusdóttur.Mynd/Daníel„Ég þarf að slá hana út,“ segir Guðbjörg og bætir við að forsvarsmenn félagsins hafi gert henni ljóst að enginn væri áskrifandi að sæti í liðinu. Liðið hefði áður haft erlendan markvörð á sínum snærum. Sá þurfti að sætta sig við að byrja á bekknum en vann sér svo sæti í liðinu. Potsdam tapaði 3-0 gegn Frankfurt í uppgjöri toppliðanna í þýsku deildinni um helgina. Frankfurt hefur 26 stig á toppnum en Potsdam er í öðru sæti með 20 stig. Tapið var hið fyrsta hjá liðinu á leiktíðinni. Liðið hefur 20 stig en á leik til góða á Frankfurt 21. desember. Í kjölfarið verður gert hlé á deildinni þar til 23. febrúar. „Ég hef einn og hálfan mánuð til að sanna mig á æfingum. Það er betra en ef deildin hefði verið í fullum gangi þegar ég mætti,“ segir Guðbjörg sem nú dvelur í dóminíska lýðveldinu í kærkomnu jólafríi. Hún kíkir til Íslands yfir jólin og svo um áramótin til Svíþjóðar. Þaðan þarf að koma búslóðinni til Þýskalands áður en mæting er á fyrstu æfingu þann 5. janúar.Mynd/Guðmundur SvanssonMargrét Lára Viðarsdóttir spilaði á sínum tíma með Potsdam. Guðbjörg ræddi við hana áður en hún hélt til æfinga hjá liðinu. Hún hafi gert sér ljóst að kröfurnar væru afar miklar og því hafi hún fengið að kynnast á æfingum. Hún vonast til að bæta sig enda sé allt til alls hjá félaginu. „Auk aðal- og markmannsþjálfara eru tveir frjálsíþróttaþjálfarar, þrír sjúkraþjálfarar og læknir. Það er allt til alls,“ segir Guðbjörg sem líkir æfingasvæði félagsins við Laugardalinn. Þar sé innanhússaðstaða, gervigrasvellir, grasvellir, sundlaug auk eimbaðs og heits pottar í búningsklefanum. „Ég get ekki séð að hægt sé að komast í betri umgjörð til að bæta sig,“ segir Guðbjörg sem mun búa í íbúð nærri æfingasvæðinu. Hún á von á því að æft verði þrisvar sinnum á dag eftir áramót áður en deildin hefjist. Þá þurfi hún að dusta rykið af þýsku bókunum.Mynd/ÓskarÓ„Þjálfarinn og markmannsþjálfarinn tala eiginlega bara þýsku,“ segir Guðbjörg sem lærði tungumálið í Verzló á sínum tíma. „Ég er búinn að gleyma flestu en ég næ að læra þetta. Ég er nokkuð fljót að ná tungumálum.“ Hún segir þýska markmannsþjálfarann strax hafa farið að breyta áherslunum hvað markvörslu varðaði. Ekki að hennar aðferðir til að verja væru rangar heldur vildu Þjóðverjarnir hafa hlutina eftir sínu höfði. Engan skildi undra. Þýskir markverðir væru líklega þeir bestu í heimi. Guðbjörg segist skilja í góðu við félaga sína hjá norska liðinu Avaldsnes. Liðið var nýliði í norsku deildinni í ár og fór alla leið í bikarúrslitin. Guðbjörg var fyrirliði liðsins. „Þeir skildu mína ákvörðun að ég væri að velja miklu betra lið. Ég hefði aldrei yfirgefið þá fyrir slakara lið,“ segir markvörðurinn. „Þetta er lið sem stefnir á að komast í úrslitaleik Meistaradeildar Evrópu. Það vilja allir leikmenn spila í svona liði.“Nordicphotos/GettyHún vonast til þess að hennar staða hjá stóru félagi muni hjálpa henni í baráttunni við Þóru Björgu Helgadóttur um byrjunarliðssætið í íslenska landsliðinu. „Það hlýtur að gera það. Þetta er eitt besta lið í heimi og ef ég er að spila með því hlýtur það að styrkja mína stöðu,“ segir Guðbjörg full sjálfstrausts um að geta komist í byrjunarliðið þótt ekkert sé gefins. Mikill agi sé hjá þýska liðinu og leikmenn séu látnir heyra það. „Maður þarf að vera með þykkan skráp og það er örugglega stundum gott að skilja ekki þýskuna,“ sagði Guðbjörg létt. Fótbolti Mest lesið Gagnrýnd af forsetanum fyrir að vilja sofa hjá strákunum á EM Sport Ákvað að fara þegar faðir hans var rekinn Handbolti Uppgjör: Silkeborg-KA 1-1 | Töfrar Hallgríms tryggðu KA frábær úrslit Fótbolti Banna trans konum að keppa á Ólympíuleikunum Sport Þorsteinn líklega áfram með landsliðið Fótbolti Ballið ekki búið hjá Breiðabliki Fótbolti Hetja Englands á EM: „Fyrir fjórum árum var ég krakki að kasta boltum til þeirra“ Fótbolti „Meiri áhrif frá Arnari Gunnlaugssyni heldur en Svíþjóð“ Fótbolti Sjáðu rauða spjaldið og vítin fjögur úr slátrun Lech á Blikum Fótbolti Hefur trú á að Rashford láti ljós sitt skína í Katalóníu Enski boltinn Fleiri fréttir Rashford kynntur hjá Barcelona: „Eins og ég sé kominn heim“ Uppgjör: Silkeborg-KA 1-1 | Töfrar Hallgríms tryggðu KA frábær úrslit Sævar Atli kom Brann yfir en niðurstaðan slæmur skellur Liverpool staðfestir Ekitike og fljúga honum strax til Hong Kong Í beinni: Þýskaland - Spánn | Hvort mætir Englendingum? Fyrsti bikar í húsi hjá Arsenal Cosic kominn í KR-búninginn Þorsteinn líklega áfram með landsliðið Fer ekki á stórmót án þess að fara í úrslit Sjáðu rauða spjaldið og vítin fjögur úr slátrun Lech á Blikum Brynjar Ingi í þýsku B-deildina Xhaka of mikilvægur til að selja til Sunderland Ballið ekki búið hjá Breiðabliki „Meiri áhrif frá Arnari Gunnlaugssyni heldur en Svíþjóð“ Hetja Englands á EM: „Fyrir fjórum árum var ég krakki að kasta boltum til þeirra“ Hefur trú á að Rashford láti ljós sitt skína í Katalóníu „Við viljum meira“ Uppbótartíminn: „Þetta tók níu sekúndur“ Enskar í úrslit eftir dramatík Uppgjörið: Lech Poznan - Breiðablik 7-1 | Afhroð í Póllandi Palace áfrýjar og vill spila í Evrópudeildinni KR í markmannsleit eftir meiðsli Davíð Snorri aðstoðar Frey og félaga Sögunni endalausu um Gyökeres loksins að ljúka Fyrrum leikmaður Liverpool og Chelsea látinn „Fjölmennasti leikur sem Breiðablik hefur spilað“ Frá Inter til Serbíu og gæti mætt Blikum Hrósuðu Túfa í hástert: „Á einhvern hátt heldur maður með honum“ Búinn að eyða yfir tuttugu milljörðum en segist vanta meira „Við erum ekki á góðum stað“ Sjá meira
„Ég er í skýjunum og ótrúlega spennt. Ég hlakka til að mæta til æfinga en er jafnframt pínu stressuð. Ég geri mér grein fyrir að þetta verður ekki auðvelt,“ segir Guðbjörg Gunnarsdóttir. Landsliðsmarkvörðurinn hefur skrifað undir samning við þýska stórliðið Turbine Potsdam. Guðbjörg æfði með þýska liðinu á dögunum og fékk í kjölfarið samningstilboð. Hún gerði gagntilboð og niðurstaða fékk í málið. „Ég er ánægð með samninginn,“ sagði Guðbjörg sem vildi ekki ræða innihald hans sérstaklega. Hann væri til eins og hálfs árs eða út keppnistímabilið 2014-15. Ljóst er að samkeppnin hjá Potsdam er mikil og skiptir þá engu um hvaða leikstöðu ræðir. Liðið hefur orðið þýskur meistari fjögur ár af síðustu fimm og tvívegis Evrópumeistari undanfarin áratug. Þrír markverðir eru fyrir á mála hjá þýska liðinu en Ann-Katrin Berger hefur spilað alla leikina á keppnistímabilinu.Guðbjörg ásamt Hólmfríði Magnúsdóttur og Dóru Maríu Lárusdóttur.Mynd/Daníel„Ég þarf að slá hana út,“ segir Guðbjörg og bætir við að forsvarsmenn félagsins hafi gert henni ljóst að enginn væri áskrifandi að sæti í liðinu. Liðið hefði áður haft erlendan markvörð á sínum snærum. Sá þurfti að sætta sig við að byrja á bekknum en vann sér svo sæti í liðinu. Potsdam tapaði 3-0 gegn Frankfurt í uppgjöri toppliðanna í þýsku deildinni um helgina. Frankfurt hefur 26 stig á toppnum en Potsdam er í öðru sæti með 20 stig. Tapið var hið fyrsta hjá liðinu á leiktíðinni. Liðið hefur 20 stig en á leik til góða á Frankfurt 21. desember. Í kjölfarið verður gert hlé á deildinni þar til 23. febrúar. „Ég hef einn og hálfan mánuð til að sanna mig á æfingum. Það er betra en ef deildin hefði verið í fullum gangi þegar ég mætti,“ segir Guðbjörg sem nú dvelur í dóminíska lýðveldinu í kærkomnu jólafríi. Hún kíkir til Íslands yfir jólin og svo um áramótin til Svíþjóðar. Þaðan þarf að koma búslóðinni til Þýskalands áður en mæting er á fyrstu æfingu þann 5. janúar.Mynd/Guðmundur SvanssonMargrét Lára Viðarsdóttir spilaði á sínum tíma með Potsdam. Guðbjörg ræddi við hana áður en hún hélt til æfinga hjá liðinu. Hún hafi gert sér ljóst að kröfurnar væru afar miklar og því hafi hún fengið að kynnast á æfingum. Hún vonast til að bæta sig enda sé allt til alls hjá félaginu. „Auk aðal- og markmannsþjálfara eru tveir frjálsíþróttaþjálfarar, þrír sjúkraþjálfarar og læknir. Það er allt til alls,“ segir Guðbjörg sem líkir æfingasvæði félagsins við Laugardalinn. Þar sé innanhússaðstaða, gervigrasvellir, grasvellir, sundlaug auk eimbaðs og heits pottar í búningsklefanum. „Ég get ekki séð að hægt sé að komast í betri umgjörð til að bæta sig,“ segir Guðbjörg sem mun búa í íbúð nærri æfingasvæðinu. Hún á von á því að æft verði þrisvar sinnum á dag eftir áramót áður en deildin hefjist. Þá þurfi hún að dusta rykið af þýsku bókunum.Mynd/ÓskarÓ„Þjálfarinn og markmannsþjálfarinn tala eiginlega bara þýsku,“ segir Guðbjörg sem lærði tungumálið í Verzló á sínum tíma. „Ég er búinn að gleyma flestu en ég næ að læra þetta. Ég er nokkuð fljót að ná tungumálum.“ Hún segir þýska markmannsþjálfarann strax hafa farið að breyta áherslunum hvað markvörslu varðaði. Ekki að hennar aðferðir til að verja væru rangar heldur vildu Þjóðverjarnir hafa hlutina eftir sínu höfði. Engan skildi undra. Þýskir markverðir væru líklega þeir bestu í heimi. Guðbjörg segist skilja í góðu við félaga sína hjá norska liðinu Avaldsnes. Liðið var nýliði í norsku deildinni í ár og fór alla leið í bikarúrslitin. Guðbjörg var fyrirliði liðsins. „Þeir skildu mína ákvörðun að ég væri að velja miklu betra lið. Ég hefði aldrei yfirgefið þá fyrir slakara lið,“ segir markvörðurinn. „Þetta er lið sem stefnir á að komast í úrslitaleik Meistaradeildar Evrópu. Það vilja allir leikmenn spila í svona liði.“Nordicphotos/GettyHún vonast til þess að hennar staða hjá stóru félagi muni hjálpa henni í baráttunni við Þóru Björgu Helgadóttur um byrjunarliðssætið í íslenska landsliðinu. „Það hlýtur að gera það. Þetta er eitt besta lið í heimi og ef ég er að spila með því hlýtur það að styrkja mína stöðu,“ segir Guðbjörg full sjálfstrausts um að geta komist í byrjunarliðið þótt ekkert sé gefins. Mikill agi sé hjá þýska liðinu og leikmenn séu látnir heyra það. „Maður þarf að vera með þykkan skráp og það er örugglega stundum gott að skilja ekki þýskuna,“ sagði Guðbjörg létt.
Fótbolti Mest lesið Gagnrýnd af forsetanum fyrir að vilja sofa hjá strákunum á EM Sport Ákvað að fara þegar faðir hans var rekinn Handbolti Uppgjör: Silkeborg-KA 1-1 | Töfrar Hallgríms tryggðu KA frábær úrslit Fótbolti Banna trans konum að keppa á Ólympíuleikunum Sport Þorsteinn líklega áfram með landsliðið Fótbolti Ballið ekki búið hjá Breiðabliki Fótbolti Hetja Englands á EM: „Fyrir fjórum árum var ég krakki að kasta boltum til þeirra“ Fótbolti „Meiri áhrif frá Arnari Gunnlaugssyni heldur en Svíþjóð“ Fótbolti Sjáðu rauða spjaldið og vítin fjögur úr slátrun Lech á Blikum Fótbolti Hefur trú á að Rashford láti ljós sitt skína í Katalóníu Enski boltinn Fleiri fréttir Rashford kynntur hjá Barcelona: „Eins og ég sé kominn heim“ Uppgjör: Silkeborg-KA 1-1 | Töfrar Hallgríms tryggðu KA frábær úrslit Sævar Atli kom Brann yfir en niðurstaðan slæmur skellur Liverpool staðfestir Ekitike og fljúga honum strax til Hong Kong Í beinni: Þýskaland - Spánn | Hvort mætir Englendingum? Fyrsti bikar í húsi hjá Arsenal Cosic kominn í KR-búninginn Þorsteinn líklega áfram með landsliðið Fer ekki á stórmót án þess að fara í úrslit Sjáðu rauða spjaldið og vítin fjögur úr slátrun Lech á Blikum Brynjar Ingi í þýsku B-deildina Xhaka of mikilvægur til að selja til Sunderland Ballið ekki búið hjá Breiðabliki „Meiri áhrif frá Arnari Gunnlaugssyni heldur en Svíþjóð“ Hetja Englands á EM: „Fyrir fjórum árum var ég krakki að kasta boltum til þeirra“ Hefur trú á að Rashford láti ljós sitt skína í Katalóníu „Við viljum meira“ Uppbótartíminn: „Þetta tók níu sekúndur“ Enskar í úrslit eftir dramatík Uppgjörið: Lech Poznan - Breiðablik 7-1 | Afhroð í Póllandi Palace áfrýjar og vill spila í Evrópudeildinni KR í markmannsleit eftir meiðsli Davíð Snorri aðstoðar Frey og félaga Sögunni endalausu um Gyökeres loksins að ljúka Fyrrum leikmaður Liverpool og Chelsea látinn „Fjölmennasti leikur sem Breiðablik hefur spilað“ Frá Inter til Serbíu og gæti mætt Blikum Hrósuðu Túfa í hástert: „Á einhvern hátt heldur maður með honum“ Búinn að eyða yfir tuttugu milljörðum en segist vanta meira „Við erum ekki á góðum stað“ Sjá meira