Ingi Kristján: „Mjög sáttur með dóminn“

„Ég er fyrst og fremst ánægður að þetta mál sé nú lokins frá. Þetta hefur tekið langan tíma og gott að þessu sé lokið. Ég er mjög sáttur með dóminn,“ segir Ingi Kristján Sigurmarsson sem var sýknaður í Hérðasdómi Reykjavíkur í dag.

Egill Einarsson höfðaði einkamál gegn Inga Kristjáni vegna myndar sem Ingi Kristján birti á Instragram. Með myndinni skrifaði Ingi: „Fuck you rapist bastard“ (ísl. „Farðu til fjandans nauðgarasvín“).

Verjandi Egils sagði í samtali við Vísi fyrr í dag að málinu gegn Inga Kristjáni og Sunnu Ben Guðrúnardóttur yrði áfrýjað. Ingi segir að hann sé ekki smeykur með að málið rati nú fyrir Hæstarétt.

„Ég held að það verði þeim ekki vænlegt að fara með málið fyrir Hæstarétt. Dómsúrskurðurinn er skýr,“ segir Ingi Kristján.

Sunna Ben baðst undan viðtali þegar Vísir náði tali af henni. Hún kvaðst þó vera sátt með niðurstöðu Hérðasdóms Reykjavíkur.