Hellas Verona með góðan sigur

Emil Hallfreðsson og félagar í Hellas Verona eru aftur komnir í fimmta sæti ítölsku A-deildarinnar í fótbolta eftir 2-1 sigur á Cagliari á heimavelli í dag.

Luca Toni kom Hellas Verona yfir strax á 8. mínútu og var staðan í hálfleik 1-0.

Bosko Jankovic bætti öðru marki við á 57. mínútu en Daniele Conti minnkaði muninn á síðustu mínútu leiksins og þar við sat.

Emil Hallfreðsson lék fyrstu 72 mínútur leiksins á miðjunni hjá Hellas Verona sem er nú 22 stig, líkt og Inter en er sæti neðar á markamun. Fiorentina er stigi á eftir í sjötta sæti.

Cagliari er í 15. sætti, sæti fyrir ofan Sampdoria sem tapaði 4-3 á heimavelli fyrir Sassuolo í dag. Birkir Bjarnason sat allan leikinn á varamannabekknum hjá Sampdoria.