Hera Björk beint í 20. sæti

Two Divas, EP plata með Heru Björku og Chiara fór beint í 20. sæti á iTunes listanum á Möltu. "Þetta er snilld. Það hefur nú gerst reglulega að lög sem maður syngur detta inn á lista hér og þar um heiminn en þetta er í fyrsta sinn sem plata með mér er á vinsældarlista annarstaðar en á Íslandi, " segir söngkonan Hera Björk Þórhallsdóttir. 

Lög Heru, Je Ne Sais Quoi, Someday, Feel the Love Tonight og Because You Can hafa öll setið á vinsældarlistum víðsvegar um heimin undanfarin ár.