Mark Lanegan með tónleika á Íslandi

Mark Lanegan er á leið til landsins í lok nóvember.  Bandaríski söngvarinn, sem gert hefur garðinn frægan með hljómsveitum á borð við Screaming Trees, Queens of The Stone Age, Soulsavers og Mad Season, er nú á tónleikaferðalagi um Evrópu og Bandaríkin og hyggst enda tónleikaferðina á Íslandi. 

Mark Lanegan gefur út ábreiðuplötu sína, Imitations, um miðjan september en tónleikadagskrá söngvarans tekur mið af öllum hans ferli og spannar um nær þrjá áratugi.

Að sögn aðstandenda verður fjöldi miða takmarkaður og aðeins um eina tónleika að ræða. Þetta verður í fyrsta sinn sem Lanegan heimsækir Ísland.