Laxá opnuð í ófærð og tvöföldu vatni Garðar Örn Úlfarsson skrifar 30. maí 2013 07:45 Flottir urriðar við erfiðar aðstæður í Hofstaðaey. Mynd / Guðmundur Stefán Maríasson. "Það kom á þriðja tug fiska á morgunvaktinni," segir Guðmundur Stefán Maríasson, einn þeirra sem var í miklum vatnsflaumi við opnun urrriðasvæðanna í Laxá í Mývatnssveit í gær. "Það er mjög mikið vatn og má segja að það komi í veg fyrir að það sé eins mikil veiði og undanfarin ár," segir Guðmundur sem er að koma í fjórða skipti í röð á þessum árstima í Laxá. Stærsti fiskurinn í gær var 65 sentímetrar. Guðmundur segir urriðann vel haldinn. "Það er ekkert að fiskinum. Það er bara vatnsmagnið sem gerir okkur erfiðara fyrir að finna hvar hann er og fá hann til að taka," útskýrir hann. Snjórinn setur strik í veiðireikninginn þessa fyrstu daga á bökkum Laxár. "Brettingstaðir og Hamar eru lokaðir. Það er einfaldlega ófært þangað niður eftir," segir Guðmundur sem tekur þó fram að oft hafi verið kaldara í veðri í opnunni. "En þótt það sé hlýtt og gott er nánast enginn gróður og vorið er varla komið. Vatnið er mjög kalt og hátt í að vera tvöfalt miðað við venjulegt árferði en það er að byrja að sjatna," segir Guðmundur Stefán. Veiðin á urriðasvæðinu í Laxá í Laxárdal hefst í dag. Stangveiði Mest lesið 17 stórlaxar á land fyrsta daginn í Víðidalsá Veiði Harpa Hlín felldi 270 kílóa elg í Eistlandi Veiði Efra svæðið í Flókadalsá í útboð Veiði Hver að verða síðastur að þreyta skotpróf Veiði 30 punda lax á land í Laxá Veiði Gæsaveiðin fer ágætlega af stað Veiði Byssusýning Veiðisafnins um næstu helgi Veiði Hreinsun Elliðaánna fer fram næsta þriðjudag Veiði Mikil veiði í Sléttuhlíðarvatni Veiði Veiðihelgi framundan, loksins hlýindi í kortunum Veiði
"Það kom á þriðja tug fiska á morgunvaktinni," segir Guðmundur Stefán Maríasson, einn þeirra sem var í miklum vatnsflaumi við opnun urrriðasvæðanna í Laxá í Mývatnssveit í gær. "Það er mjög mikið vatn og má segja að það komi í veg fyrir að það sé eins mikil veiði og undanfarin ár," segir Guðmundur sem er að koma í fjórða skipti í röð á þessum árstima í Laxá. Stærsti fiskurinn í gær var 65 sentímetrar. Guðmundur segir urriðann vel haldinn. "Það er ekkert að fiskinum. Það er bara vatnsmagnið sem gerir okkur erfiðara fyrir að finna hvar hann er og fá hann til að taka," útskýrir hann. Snjórinn setur strik í veiðireikninginn þessa fyrstu daga á bökkum Laxár. "Brettingstaðir og Hamar eru lokaðir. Það er einfaldlega ófært þangað niður eftir," segir Guðmundur sem tekur þó fram að oft hafi verið kaldara í veðri í opnunni. "En þótt það sé hlýtt og gott er nánast enginn gróður og vorið er varla komið. Vatnið er mjög kalt og hátt í að vera tvöfalt miðað við venjulegt árferði en það er að byrja að sjatna," segir Guðmundur Stefán. Veiðin á urriðasvæðinu í Laxá í Laxárdal hefst í dag.
Stangveiði Mest lesið 17 stórlaxar á land fyrsta daginn í Víðidalsá Veiði Harpa Hlín felldi 270 kílóa elg í Eistlandi Veiði Efra svæðið í Flókadalsá í útboð Veiði Hver að verða síðastur að þreyta skotpróf Veiði 30 punda lax á land í Laxá Veiði Gæsaveiðin fer ágætlega af stað Veiði Byssusýning Veiðisafnins um næstu helgi Veiði Hreinsun Elliðaánna fer fram næsta þriðjudag Veiði Mikil veiði í Sléttuhlíðarvatni Veiði Veiðihelgi framundan, loksins hlýindi í kortunum Veiði