Komið að kaflaskilum segir Þröstur Garðar Örn Úlfarsson skrifar 8. febrúar 2013 08:15 Þröstur Elliðason með lax úr Steinboga í Jökulsá á Dal. Mynd / Strengir. Þröstur Elliðason í Strengjum spáir verðlækkun á stangveiðileyfum samfara samdrætti í veiði og minnkandi eftirspurn. Staðan sé erfið. "Almennt er salan minni í heild sinni," segir Þröstur Elliðason eigandi Veiðiþjónustunnar Strengja um söluhorfurnar fyrir komandi veiðitímabil. "Ég sé fram á samdrátt í Breiðdalsá og Hrútafjarðará, en það verður svipað í Minnivallalæk og verið hefur undanfarin ár sýnist mér," segir Þröstur sem sér hins vegar góða þróun í sölunni á Jöklusvæðinu við Héraðsflóa "Jökla er með aukningu í eftirspurn enda með hóflegra verð og veiðin er á uppleið þar," segir Þröstur og minnir á nýja fiskistigann við Steinboga í Jöklu. "Lax ætti að geta gengið upp Steinbogann hindrunarlaust næsta ár eins og reynslan sýndi í ágúst eftir opnun hans 1 ágúst." Aðspurður um þróunina að undanförnu í útboðsmálum og verðþróun stangveiðileyfa segir Þröstur að staðan í heild sinni sé erfið. "Samningar eru fastir til nokkurra ára til landeigenda og yfirleitt með verðtryggingu til hækkunar á sama tíma og veiðileyfin, ef eitthvað er, eru að lækka til kúnnans. Kostnaður vegna reksturs veiðihúsa hækkar líka án þess að hægt sé að hækka gisti og/eða fæðisgjald á milli ára," segir Þröstur sem kveðst telja komið að kaflaskilum: "Það munu sjást lækkanir á veiðileyfaverðum og árleigum á næstu árum nema það smelli hreinlega í nýja metveiði í sumar - sem ég efa," segir Þröstur. Hann búist þó ekki við að það sjáist jafn slappar tölur og sumarið 2012 heldur verði veiðin upp á við næsta sumar, að minnsta kosti í smálaxi. "Nema ástand sjávar sé orðið gjörbreytt til hins verra af einhverjum ástæðum, en við sjáum til," segir veiðileyfasalinn og fiskifræðingurinn Þröstur Elliðason. Stangveiði Mest lesið Fluguveiði ekki bara karlasport Veiði Víðidalsá og Fitjá komnar á bók Veiði Veiðimessa um helgina hjá Veiðiflugum Veiði Má skjóta bleikju með haglabyssu? Veiði Þjófstart á þremur veiðistöðum Veiði Góð opnun í Steinsmýrarvötnum Veiði Veðurblíða í Víðidalnum, komnir 150 laxar á land Veiði Urriðarnir farnir að taka í Þjóðgarðinum Veiði Líflegar opnanir gefa fyrirheit um gott laxasumar Veiði Fnjóská: Tveggja daga holl með 27 laxa og mikið af silungi Veiði
Þröstur Elliðason í Strengjum spáir verðlækkun á stangveiðileyfum samfara samdrætti í veiði og minnkandi eftirspurn. Staðan sé erfið. "Almennt er salan minni í heild sinni," segir Þröstur Elliðason eigandi Veiðiþjónustunnar Strengja um söluhorfurnar fyrir komandi veiðitímabil. "Ég sé fram á samdrátt í Breiðdalsá og Hrútafjarðará, en það verður svipað í Minnivallalæk og verið hefur undanfarin ár sýnist mér," segir Þröstur sem sér hins vegar góða þróun í sölunni á Jöklusvæðinu við Héraðsflóa "Jökla er með aukningu í eftirspurn enda með hóflegra verð og veiðin er á uppleið þar," segir Þröstur og minnir á nýja fiskistigann við Steinboga í Jöklu. "Lax ætti að geta gengið upp Steinbogann hindrunarlaust næsta ár eins og reynslan sýndi í ágúst eftir opnun hans 1 ágúst." Aðspurður um þróunina að undanförnu í útboðsmálum og verðþróun stangveiðileyfa segir Þröstur að staðan í heild sinni sé erfið. "Samningar eru fastir til nokkurra ára til landeigenda og yfirleitt með verðtryggingu til hækkunar á sama tíma og veiðileyfin, ef eitthvað er, eru að lækka til kúnnans. Kostnaður vegna reksturs veiðihúsa hækkar líka án þess að hægt sé að hækka gisti og/eða fæðisgjald á milli ára," segir Þröstur sem kveðst telja komið að kaflaskilum: "Það munu sjást lækkanir á veiðileyfaverðum og árleigum á næstu árum nema það smelli hreinlega í nýja metveiði í sumar - sem ég efa," segir Þröstur. Hann búist þó ekki við að það sjáist jafn slappar tölur og sumarið 2012 heldur verði veiðin upp á við næsta sumar, að minnsta kosti í smálaxi. "Nema ástand sjávar sé orðið gjörbreytt til hins verra af einhverjum ástæðum, en við sjáum til," segir veiðileyfasalinn og fiskifræðingurinn Þröstur Elliðason.
Stangveiði Mest lesið Fluguveiði ekki bara karlasport Veiði Víðidalsá og Fitjá komnar á bók Veiði Veiðimessa um helgina hjá Veiðiflugum Veiði Má skjóta bleikju með haglabyssu? Veiði Þjófstart á þremur veiðistöðum Veiði Góð opnun í Steinsmýrarvötnum Veiði Veðurblíða í Víðidalnum, komnir 150 laxar á land Veiði Urriðarnir farnir að taka í Þjóðgarðinum Veiði Líflegar opnanir gefa fyrirheit um gott laxasumar Veiði Fnjóská: Tveggja daga holl með 27 laxa og mikið af silungi Veiði