Ólympíuhafi í það heilaga

Jessica Ennis, Ólympíumeistarinn í sjöþraut, brosti sínu blíðasta um helgina þegar hún gekk að eiga unnusta sinn Andy Hill í St. Michael and All Angels-kirkjunni í Derbyshire á Englandi.

Faðir hennar, Vinnie, leiddi hana upp að altarinu og meðal laga sem sungin voru í kirkjunni var Bítlaslagarinn All You Need Is Love.

Jessica og Andy eru búin að vera saman í átta ár en þau hittust í King Ecbert-skólanum í Sheffield. Andy bað hennar á aðfangadag árið 2010 og hefur brúðkaupið verið í undirbúningi síðan.

Dragðu Tarotspil dagsins hér.