„Algjör hryllingur“

Fyrsta fatalína söngkonunnar Rihönnu sem gerð var í samstarfi við River Island var frumsýnd í London á laugardaginn. Tískuheimurinn beið spenntur eftir að sjá afraksturinn, en mörgum brá heldur betur í brún þegar hulunni var svipt af fötunum. Blaðamönnun vefsíðunnar the Daily Beast var ekki skemmt og lýstu línunni sem "algjörum hryllingi". Fötin voru sögð hræðilega ljót, drusluleg og stíllaus, ásamt því sem manneskja með venjulegt holdarfar myndi aldrei geta klæðst þeim. Rihanna var hins vegar hin ánægðasta með línuna og sagðst í viðtali við Vogue vera í skýunum yfir því að draumur hennar væri loksins orðin að veruleika. Dæmi nú hver fyrir sig.