Balotelli er frábær gaur

Hinn ungi leikmaður AC Milan, M'Baye Niang, er afar ánægður með að hafa fengið Mario Balotelli til félagsins og talar fallega um óstýriláta Ítalann.

"Vonando nær Balotelli að hjálpa okkur að komast ofar í töflunni. Hann er frábær gaur og það þarf enginn að hafa áhyggjur af neinu. Hann lætur aðra brosa," sagði Niang.

Balotelli byrjaði feril sinn hjá Milan með látum er hann skoraði bæði mörk Milan í 2-1 sigri á Udinese.

Milan er í fjórða sæti ítölsku úrvalsdeildarinnar og er einum tólf stigum á eftir toppliði Juventus.