Jenný valin best í fyrri umferðinni

Handknattleiksambandið verðlaunaði í dag þá leikmenn N1 deildar kvenna í handbolta sem sköruðu fram úr í fyrri hlutanum eða í umferðum eitt til ellefu.

Guðný Jenny Ásmundsdóttir, markvörður toppliðs Vals, var valin besti leikmaður fyrri hlutans en hún fór á kostum í marki liðsins í fyrstu ellefu umferðunum og hefur reyndar haldið uppteknum hætti á nýju ári.

Stefán Arnarson, þjálfari Vals, var valinn besti þjálfari fyrri hlutans en þrír leikmanna hans eru í úrvalsliðinu og fleiri gerðu tilkalla til sætis í liðinu. Fram á næstflesta leikmenn í liðinu eða tvo.



Úrvalslið fyrri hluta N1 deildar kvenna:

Markvörður

Guðný Jenný Ásmundsdóttir, Val

Vinstra horn

Dagný Skúladóttir, Val

Lína

Elísabet Gunnarsdóttir, Fram

Hægra horn

Hanna Guðrún Stefánsdóttir, Stjörnunni

Vinstri skytta

Stella Sigurðardóttir, Fram

Leikstjórnandi

Simona Vintila, ÍBV

Hægri skytta

Þorgerður Anna Atladóttir, Val

Besti leikmaður

Guðný Jenný Ásmundsdóttir, Val

Besti þjálfari

Stefán Arnarson, Val