93 fiskar á land í Litluá Kristján Hjálmarsson skrifar 2. apríl 2013 09:00 Einn vænn af opnunardeginum. Myndin er fengin af vefnum Litlaá.is Mynd/Stefán Hrafnsson Alls komu 93 fiskar á land fyrsta veiðidaginn í Litluá í Kelduhverfi sem hlýtur að teljast aldeilis góð byrjun á veiðitímabilinu. Helmingur fiskanna var yfir 50 sentimetrar en bleikjur, birtingur og staðbundinn urriði veiddist, að því er segir á vef Litluár. Öllum fiskunum var sleppt. Litlaá í Kelduhverfi, sem er rúma 50 kílómetra austan við Húsavík, er bergvatnsá, sem upprunalega átti sér eingöngu upptök í lindum sem heita Brunnar við bæinn Keldunes. Frá 1976 á hún sér einnig upptök í Skjálftavatni en það myndaðist við jarðsig í Kröflueldum. Vatnið úr Brunnum er óvenju heitt og blandast kaldara vatni úr Skjálftavatni, þannig er meðalhiti vatnsins í ánni um 12°C. Vaxtahraði fiska í Litluá er mikill undir þessum kringumstæðum og er sjóbirtingsstofn árinnar því einn sá stærsti hér á landi, að því er segir á vefnum Litlaá.is. Auk sjóbirtings og staðbundins urriða veiðist nokkuð magn af sjóbleikju og einnig er von um lax í Litluá. Árið 2004 kom á land stærsti sjóbirtingur landsins, 23 punda risi. Stangveiði Mest lesið Meira af tölfræði í Eystri Rangá 2020 Veiði Úr ýmsum áttum: Dunká þokkaleg og fín bleikjuveiði í Fljótaá Veiði Þrír laxar á land í Blöndu í morgun Veiði Stóri júlístraumurinn skilaði litlu í laxveiðiárnar Veiði Elliðaárnar: 3,5 laxar á stöng á dag Veiði 255 laxa opnunarholl í Ytri Rangá Veiði Fluga dagsins: Góð í urriðann Veiði Opnuðu Laxá með 550 urriðum Veiði Góð veiði í Steinsmýrarvötnum Veiði Fjórir laxar veiddust í kuldanum í kvöld Veiði
Alls komu 93 fiskar á land fyrsta veiðidaginn í Litluá í Kelduhverfi sem hlýtur að teljast aldeilis góð byrjun á veiðitímabilinu. Helmingur fiskanna var yfir 50 sentimetrar en bleikjur, birtingur og staðbundinn urriði veiddist, að því er segir á vef Litluár. Öllum fiskunum var sleppt. Litlaá í Kelduhverfi, sem er rúma 50 kílómetra austan við Húsavík, er bergvatnsá, sem upprunalega átti sér eingöngu upptök í lindum sem heita Brunnar við bæinn Keldunes. Frá 1976 á hún sér einnig upptök í Skjálftavatni en það myndaðist við jarðsig í Kröflueldum. Vatnið úr Brunnum er óvenju heitt og blandast kaldara vatni úr Skjálftavatni, þannig er meðalhiti vatnsins í ánni um 12°C. Vaxtahraði fiska í Litluá er mikill undir þessum kringumstæðum og er sjóbirtingsstofn árinnar því einn sá stærsti hér á landi, að því er segir á vefnum Litlaá.is. Auk sjóbirtings og staðbundins urriða veiðist nokkuð magn af sjóbleikju og einnig er von um lax í Litluá. Árið 2004 kom á land stærsti sjóbirtingur landsins, 23 punda risi.
Stangveiði Mest lesið Meira af tölfræði í Eystri Rangá 2020 Veiði Úr ýmsum áttum: Dunká þokkaleg og fín bleikjuveiði í Fljótaá Veiði Þrír laxar á land í Blöndu í morgun Veiði Stóri júlístraumurinn skilaði litlu í laxveiðiárnar Veiði Elliðaárnar: 3,5 laxar á stöng á dag Veiði 255 laxa opnunarholl í Ytri Rangá Veiði Fluga dagsins: Góð í urriðann Veiði Opnuðu Laxá með 550 urriðum Veiði Góð veiði í Steinsmýrarvötnum Veiði Fjórir laxar veiddust í kuldanum í kvöld Veiði