Lítill munur á holdafari kvenna eftir búsetu

Lítill sem enginn munur er á holdafari yngri kvenna á landsbyggðinni og á höfuðborgarsvæðinu. Konurnar á höfuðborgarsvæðinu virðast hafa bætt á sig samkvæmt nýrri rannsókn.

Rannsóknir hafa hingað til bent þess að konur á landsbyggðinni séu þyngri en þær sem búa á höfuðborgarsvæðinu.

Ný meistaraprófsrannsókn Hrafnhildar Guðjónsdóttur, nema við Matvæla- og næringarfræðideild Háskóla Íslands, bendir þó til þess lítill munur sé á holdafari kvenna eftir búsetu. Tíðni ofþyngdar kvenna á aldursbilinu 18 til 45 ára orðin mjög svipuð. Skýringin er sú að konur á höfuðborgar svæðinu virðast heldur hafa bætt á sig.

„Munurinn þarna á milli hefur minnkað og þessi skil á milli borgar bæjar eru ekki jafn skýr og þau voru áður," segir Hrafnhildur.

Búseta karla virðist svo ekki hafa áhrif á holdafar þeirra og ekki komu heldur fram vísbendingar um að menntun hefði áhrif á holdafar. Hrafnhildur segir að það atriði þarfnist frekari athugunar með stærra úrtaki.

Rannsóknin leiddi einnig í ljós að mataræði fólks utan höfuðborgarsvæðisins er ólíkt eftir búsetu.

Karlar á landsbyggðinni þamba meiri nýmjólk og snæða meira kjöt en borða minna af grænmeti en meira af kökum en karlar í höfuðborginni.

„Munur á mataræði er skýrari milli höfuðborgarsvæðis og utan. Munurinn er mun meiri meðal karla og þá sérstaklega milli karla innan höfuðborgarsvæðisins og karla á svæðum með færri en þúsund íbúa," segir hún.

Rannsókn Hrafnhildar byggði á landskönnun á mataræði Íslendinga fór fram haustið 2010 og vorið 2011. Þátttakendur voru valdir með slembiúrtaki úr þjóðskrá, 680 konur og 632 karlar á aldrinum 18-80 ára heildarsvörun var um 70 prósent.