Umfjöllun og viðtöl: Haukar - HK 31-36 | Haukum sópað úr úrslitakeppninni Stefán Hirst Friðriksson skrifar 23. apríl 2012 17:01 HK gerði sér lítið fyrir og tryggði sér sæti í lokaúrslitum N1-deildar karla eftir að hafa sópað deildarmeisturum Hauka úr leik með sigri í leik liðanna í kvöld. Fæstir áttu von á því að undanúrslitarimmu þessara tveggja liða myndi ljúka með 3-0 sigri HK sem endaði í fjórða sæti deildarkeppninnar. Það var engu að síður raunin og sýndu HK-ingar í kvöld að þeir eru til alls líklegir í baráttunni um Íslandsmeistaratitilinn. Það var mikið undir hjá heimamönnum í Haukum fyrir leik, en þeir þurftu á sigri að halda til þess að halda sér á lífi í einvíginu gegn frábæru HK-liði. Jafnræði einkenndi upphafsmínúturnar þar sem liðin skiptust á að skora. Það voru svo gestirnir í HK sem náðu yfirhöndinni á leiknum í kjölfarið af þvi og voru þeir komnir í fjögurra marka forystu, 7-11, eftir gott mark frá Tandra Má Konráðssyni. HK-ingar héldu góðri vörn og frábærum sóknarleik áfram og voru þeir komnir í fimm marka forystu, þegar stutt var eftir af hálfleiknum. Haukamenn svöruðu ágætlega á lokaspretti hálfleiksins og tókst þeim að minnka muninn niður í þrjú mörk, 14-17, þegar flautað var til leikhlés. Síðari hálfleikurinn byrjaði með eins miklum látum og sá seinni endaði og voru bæði liðin öflug í sóknarleiknum. Haukum tókst að minnka muninn niður í eitt mark þegar rúmlega korter var eftir af leiknum og leikurinn orðinn æsispennandi. HK-ingar svöruðu áhlaupi Hauka fullkomlega og réðu ferðinni næstu mínútur. Þeir komust í stærstu forystu leiksins, 24-29, þegar Bjarki Elísson, skoraði mark úr hraðaupphlaupi. HK-ingar litu aldrei til baka eftir það og voru komnir í sjö marka forystu þegar stutt var eftir af leiknum. Haukum tókst örlítið að minnka muninn undir restina en frábær fimm marka HK-sigur, 31-36, var staðreynd. Vörn og markvarsla HK liðsins var virkilega öflug í leiknum og sóknarleikurinn var stórkostlegur. HK-ingar geta verið virkilega stoltir af framgöngu sinni í einvíginu en sigur þeirra var fyllilega verðskuldaður. Það má setja stórt spurningamerki við framgöngu deildar- og bikarmeistara Hauka í einvíginu en þeir virkuðu í rauninni saddir. Vörnin þeirra var ekki á pari ásamt því að markvarslan var nánast engin í kvöld. HK-ingar eru því komnir í úrslit Íslandsmótsins, þar sem þeir eru til alls líklegir. Þeir munu koma til með að mæta annaðhvort FH eða Akureyri en staðan í því einvígi er 2-1, FH í vil.Bjarki: Ekki margir sem höfðu trú á okkur Bjarki Elísson, leikmaður HK, fór á kostum í leiknum í dag og skoraði hann tíu mörk. Hann var vitanlega gríðarlega ánægður í leikslok og sagði að úrslitin væru fyllilega verðskulduð. „Þetta var frábært í dag. Við erum búnir að vera stórkostlegir í þessu einvígi. Við spiluðum frábæra vörn í öllum leikjunum og fengum markvörslu í kjölfarið. Þetta er alveg frábært," „Við vorum ekkert búnir að vinna þá í vetur og voru ekki margir sem höfðu trú á okkur. Við höfðum þó allan tímann trú á verkefninu. Við vorum skipulagðir og eigum þetta fyllilega skilið," bætti Bjarki við. „Ég er mjög ánægður með mína frammistöðu og frammistöðu liðsins í heild. Við vorum að setja okkur í góðar stöður til þess að skora mörk og voru bara allir að standa sig vel," sagði Bjarki kátur í leikslok.Erlingur: Gríðarlega stoltur af liðinu „Ég er gríðarlega stoltur af liðinu hérna í dag. Við vorum að mæta góðu Hauka liði en við stóðum okkur frábærlega gegn þeim og eigum þetta svo sannarlega skilið," sagði Erlingur. Aðspurður um úrslitaeinvígið sagði Erlingur að menn væru með hausinn á jörðinni og það væri enginn sérstakur óskamótherji í úrslitunum. „Við erum bara að taka eitt skref í einu hérna. Við eigum okkur engan sérstakan óskamótherja. Það er gaman að fara til Akureyri og það er gaman að fara í Kaplakrikann. Við ætlum bara að hafa gaman á þessum stöðum og standa okkur vel," sagði Erlingur Richardsson, þjálfari HK í leikslok.Aron: Duttum niður hugarfarslega „Ég er gríðarlega ósáttur við þetta einvígi. Við gáfum færi á okkur í fyrsta leiknum og þeir nýttu sér það. Þeir fundu blóðbragðið snemma og kláruðu þetta að lokum örugglega. Vörnin hjá okkur var engin í einvíginu og eins gott sóknarlið og HK-ingar eru refsa fyrir það," „Það kemur þarna löng tveggja vikna pása fyrir úrslitaeinvígið og er eins og við höfum dottið niður hugarfarslega á þeim tíma. Við náðum okkur þar af leiðandi aldrei almennilega á strik í þessu einvígi," sagði Aron Kristjánsson, þjálfari Hauka, í lok leiks. Olís-deild karla Mest lesið Kláraði læknisfræði og keppti á HM í sömu viku Sport Lyfjaeftirlitið vill stoppa Steraleikana Sport Rúnar látinn fara frá Leipzig Handbolti Sendi sónarmynd: Tvö ákærð eftir fjárkúgun gamallar kærustu Enski boltinn Kraftaverkamaðurinn Gunnar Már sem þjálfarinn kallar Jesús Körfubolti Uppgjörið: Valur - Þróttur 2-1 | Valskonur í undanúrslit Íslenski boltinn Leiðinlegir og slappir: Heimir fékk afmæliskort en enga veislu Fótbolti Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Liverpool að landa dýrasta leikmanni í sögu deildarinnar Enski boltinn Fleiri fréttir Rúnar látinn fara frá Leipzig Rut bætist í stóran hóp sem kvatt hefur landsliðið „Einvígi sem hefur verið magnað að taka þátt í“ Viðar Símonarson látinn Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Sjá meira
HK gerði sér lítið fyrir og tryggði sér sæti í lokaúrslitum N1-deildar karla eftir að hafa sópað deildarmeisturum Hauka úr leik með sigri í leik liðanna í kvöld. Fæstir áttu von á því að undanúrslitarimmu þessara tveggja liða myndi ljúka með 3-0 sigri HK sem endaði í fjórða sæti deildarkeppninnar. Það var engu að síður raunin og sýndu HK-ingar í kvöld að þeir eru til alls líklegir í baráttunni um Íslandsmeistaratitilinn. Það var mikið undir hjá heimamönnum í Haukum fyrir leik, en þeir þurftu á sigri að halda til þess að halda sér á lífi í einvíginu gegn frábæru HK-liði. Jafnræði einkenndi upphafsmínúturnar þar sem liðin skiptust á að skora. Það voru svo gestirnir í HK sem náðu yfirhöndinni á leiknum í kjölfarið af þvi og voru þeir komnir í fjögurra marka forystu, 7-11, eftir gott mark frá Tandra Má Konráðssyni. HK-ingar héldu góðri vörn og frábærum sóknarleik áfram og voru þeir komnir í fimm marka forystu, þegar stutt var eftir af hálfleiknum. Haukamenn svöruðu ágætlega á lokaspretti hálfleiksins og tókst þeim að minnka muninn niður í þrjú mörk, 14-17, þegar flautað var til leikhlés. Síðari hálfleikurinn byrjaði með eins miklum látum og sá seinni endaði og voru bæði liðin öflug í sóknarleiknum. Haukum tókst að minnka muninn niður í eitt mark þegar rúmlega korter var eftir af leiknum og leikurinn orðinn æsispennandi. HK-ingar svöruðu áhlaupi Hauka fullkomlega og réðu ferðinni næstu mínútur. Þeir komust í stærstu forystu leiksins, 24-29, þegar Bjarki Elísson, skoraði mark úr hraðaupphlaupi. HK-ingar litu aldrei til baka eftir það og voru komnir í sjö marka forystu þegar stutt var eftir af leiknum. Haukum tókst örlítið að minnka muninn undir restina en frábær fimm marka HK-sigur, 31-36, var staðreynd. Vörn og markvarsla HK liðsins var virkilega öflug í leiknum og sóknarleikurinn var stórkostlegur. HK-ingar geta verið virkilega stoltir af framgöngu sinni í einvíginu en sigur þeirra var fyllilega verðskuldaður. Það má setja stórt spurningamerki við framgöngu deildar- og bikarmeistara Hauka í einvíginu en þeir virkuðu í rauninni saddir. Vörnin þeirra var ekki á pari ásamt því að markvarslan var nánast engin í kvöld. HK-ingar eru því komnir í úrslit Íslandsmótsins, þar sem þeir eru til alls líklegir. Þeir munu koma til með að mæta annaðhvort FH eða Akureyri en staðan í því einvígi er 2-1, FH í vil.Bjarki: Ekki margir sem höfðu trú á okkur Bjarki Elísson, leikmaður HK, fór á kostum í leiknum í dag og skoraði hann tíu mörk. Hann var vitanlega gríðarlega ánægður í leikslok og sagði að úrslitin væru fyllilega verðskulduð. „Þetta var frábært í dag. Við erum búnir að vera stórkostlegir í þessu einvígi. Við spiluðum frábæra vörn í öllum leikjunum og fengum markvörslu í kjölfarið. Þetta er alveg frábært," „Við vorum ekkert búnir að vinna þá í vetur og voru ekki margir sem höfðu trú á okkur. Við höfðum þó allan tímann trú á verkefninu. Við vorum skipulagðir og eigum þetta fyllilega skilið," bætti Bjarki við. „Ég er mjög ánægður með mína frammistöðu og frammistöðu liðsins í heild. Við vorum að setja okkur í góðar stöður til þess að skora mörk og voru bara allir að standa sig vel," sagði Bjarki kátur í leikslok.Erlingur: Gríðarlega stoltur af liðinu „Ég er gríðarlega stoltur af liðinu hérna í dag. Við vorum að mæta góðu Hauka liði en við stóðum okkur frábærlega gegn þeim og eigum þetta svo sannarlega skilið," sagði Erlingur. Aðspurður um úrslitaeinvígið sagði Erlingur að menn væru með hausinn á jörðinni og það væri enginn sérstakur óskamótherji í úrslitunum. „Við erum bara að taka eitt skref í einu hérna. Við eigum okkur engan sérstakan óskamótherja. Það er gaman að fara til Akureyri og það er gaman að fara í Kaplakrikann. Við ætlum bara að hafa gaman á þessum stöðum og standa okkur vel," sagði Erlingur Richardsson, þjálfari HK í leikslok.Aron: Duttum niður hugarfarslega „Ég er gríðarlega ósáttur við þetta einvígi. Við gáfum færi á okkur í fyrsta leiknum og þeir nýttu sér það. Þeir fundu blóðbragðið snemma og kláruðu þetta að lokum örugglega. Vörnin hjá okkur var engin í einvíginu og eins gott sóknarlið og HK-ingar eru refsa fyrir það," „Það kemur þarna löng tveggja vikna pása fyrir úrslitaeinvígið og er eins og við höfum dottið niður hugarfarslega á þeim tíma. Við náðum okkur þar af leiðandi aldrei almennilega á strik í þessu einvígi," sagði Aron Kristjánsson, þjálfari Hauka, í lok leiks.
Olís-deild karla Mest lesið Kláraði læknisfræði og keppti á HM í sömu viku Sport Lyfjaeftirlitið vill stoppa Steraleikana Sport Rúnar látinn fara frá Leipzig Handbolti Sendi sónarmynd: Tvö ákærð eftir fjárkúgun gamallar kærustu Enski boltinn Kraftaverkamaðurinn Gunnar Már sem þjálfarinn kallar Jesús Körfubolti Uppgjörið: Valur - Þróttur 2-1 | Valskonur í undanúrslit Íslenski boltinn Leiðinlegir og slappir: Heimir fékk afmæliskort en enga veislu Fótbolti Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Liverpool að landa dýrasta leikmanni í sögu deildarinnar Enski boltinn Fleiri fréttir Rúnar látinn fara frá Leipzig Rut bætist í stóran hóp sem kvatt hefur landsliðið „Einvígi sem hefur verið magnað að taka þátt í“ Viðar Símonarson látinn Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Sjá meira