Gantast með byssuhreinsun um borð í dönsku varðskipi

Sagt er frá því á gamansaman hátt á vefsíðu Faxaflóahafna að sjóliðarnir á danska varðskipinu Triton hreinsuðu fallbyssu skipsins í gærdag en skipið er nú statt í Reykjavíkurhöfn.

Á vefsíðunni segir að einhverjum datt í hug að Danir væru ekki alls kostar sáttir við það hringl sem fram hefur farið í kringum "dönsku stjórnarskrána" sem fengin var að láni 1944 og væru því að brýna kutana.

Enn aðrir héldu því fram að áflog þeirra Obama og Romney um utanríkismál væri ástæðan fyrir því að fallstykkið á Triton var tekið í gegn.