Grásleppukarlar í vanda vegna evrukreppunnar

Kreppa er orðin á hrognamarkaði í heiminum og er fjórðungur allra grásleppuhrogna af síðustu vertíð hérlendis óseldur. Grásleppusjómenn vilja dregið verði úr veiðunum um þirðjung á næsta ári til að bregðast við ástandinu.

Í tillögu svonefndrar grásleppunefndar, á ársfundi smábátasjómanna, sem nú stendur yfir, er mælt með að samdrátturinn verði gerður með því að fækka veiðidögum á grásleppu um 30 prósent á næsta áriog verði það gert í smaráði við hinar grásleppuveiðiþjóðirnar, sem eru Kanadamenn, Grænlendingar og Norðmenn, en mest er veitt við Ísland. Á grásleppuvertíðinni í sumar, veiddust 12,200 tunnur hér við land, en röskelga þrjú þúsund tunnur, eða um fjórðungur, eru enn óseldar, nokkuð sem óþekkt hefur verið á þessum árstíma í fjölmörg ár. Andvirði þessa afla er eitthvað hátt í 400 milljónir króna, sem skapar mikinn vanda fyrir litlar grásleppuútgerðirnar.

Framan af sumri fengust allt að 170 þúsund krónur fyrir tunnu af hrognum, en verðið var fallið niður í 130 þúsund krónur þegar botninn datt úr eftirspurninni. Undirbúningur að viðræðum við hinar veiðiþjóðirnar um samdrátt í veiðum á næsta ári, er þegar hafinn.-