Eftirskjálfti upp á 4,1 stig fyrir norðan í morgun

Eftirskjálfti upp á 4,1 stig mældist á skjálftasvæðinu út af Norðurlandi á sjötta tímanum í morgun, þar sem snörp hrina hófst í fyrrinótt.

Nokkrir aðrir urðu á bilinu 3 til 4 stig fyrr í nótt. Stærsti skjálftinn í fyrrinótt var sá öflugasti sem orðið hefur úti fyrir Norðurlandi síðan á árinu 1976 þegar skjálfti upp á 6,2 varð í nágrenni Kópaskers.

Að sögn Veðurstofunnar má búast við eftirskjálftum næstu daga og ekki er hægt að útiloka að þeir verði allt upp í fjögur stig eða jafnvel stærri.