Berbrjósta í glanstímariti

Breska fyrirsætan Kate Moss, 38 ára, prýðir forsíðu Vanity Fair. Hún heldur engu aftur í viðtalinu hvort sem það er að sitja fyrir nakin eða ræða leyndarmál eins og hvernig samband hennar við Johnny Depp endaði. "Ég grét í mörg ár þegar við hættum saman. Það var martröð!"

Spurð út í sögusagnir um að hún væri með anorexíu svarar Kate: "Ég vaknaði eldsnemma og fór í vinnuna. Það var enginn morgunmatur í vinnunni og enginn fór með mig út að borða hádegisverð. Ég var aldrei með anorexíu heldur var ég svona grönn af því að ég vann eins og skepna."