Viðskipti innlent

Búið að greiða helminginn af Icesave skuldinni

Slitastjórn Landsbankans hefur greitt helminginn af Icesave skuldinni eða 677 milljarða króna af forgangskröfum í þrotabúið.

Þetta kemur fram á vefsíðu slitastjórnarinnar. Þar segir að í þessum mánuði hafi 82 milljarðar króna verið greiddar Icesave kröfuhöfunum. Fyrstu greiðslurnar voru 2. desember í fyrra og námu þær greiðslur að jafnvirði um 432 milljörðum króna. Í maí s.l. voru 162 milljarðar króna greiddir og því hefur slitastjórnin greitt út að jafnvirði nálægt 677 milljörðum króna samanlagt, sem svarar til um 50% af fjárhæðum forgangskrafna.

Fram kemur á vefsíðunni að á móti hafi slitastjórnin fengið greidda samtals 16 milljarða kr. af sérstökum geymslureikningum. Þessar endurgreiðslur eru vegna krafna í þrotabúið sem endanlega hefur verið hafnað.

Heildar virði eigna þrotabúss Landsbankans er nú talið vera tæplega 1.500 milljarðar króna, eða 1.496 milljarðar nákvæmlega. Forgangskröfur í búið, þar sem kröfur frá þeim sem áttu fé inn á Icesave reikningum eru langsamlega fyrirferðamestar, eru ríflega 1.300 milljarðar króna, og því eru eignir bússins nú metnar á um 180 milljörðum meira, heldur en sem nemur forgangskröfum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
3,15
27
210.559
ICEAIR
2,55
149
809.462
VIS
1,9
23
594.243
EIK
1,64
1
150
SJOVA
1,02
9
31.526

Mesta lækkun dagsins


Félag
Br.%
Fjöldi
Velta*
MAREL
-2,87
115
1.035.540
SIMINN
-1,65
14
253.757
REGINN
-0,68
2
11.760
ICESEA
-0,63
5
14.457
SVN
-0,45
21
103.623
Velkomin á Vísi. Þessi vefur notar vafrakökur. Sjá nánar.