Varað við hálku víða á landinu

Vegagerðin varar við hálku víða á landinu þennan morguninn. Það eru hálkublettir á Reykjanesbraut og Grindavíkurvegi.

Þetta kemur fram í tilkynningu frá Vegagerðinni. Þar segir að hálkublettir eru á Holtavörðuheiði og nokkuð víða á Snæfellsnesi. Hálkublettir eru á Þröskuldum og vestur yfir Steingrímsfjarðarheiði, og eins á köflum í Djúpinu.

Á Norðurlandi eru hálkublettir á Vatnsskarði, Þverárfjalli og Öxnadalsheiði. Hálkublettir eru á Víkurskarði og þaðan meira og minna austur á Mývatnsöræfi. Hálka er á Möðrudalsöræfum og Fjarðarheiði en hálkublettir á Vopnafjarðarheiði og Oddsskarði. Snjóþekja er á Öxi.

Fólk er beðið að vera vakandi fyrir hugsanlegri hálku nú í morgunsárið en ekki er hægt að útiloka að hálka leynist víðar en hér er talið.