Tengsl milli næturvinnu og krabbameins

Karlmenn sem stunda mikla næturvinnu eru mun líklegri til að fá krabbamein en aðrir, ef marka má rannsóknarniðurstöður franskra vísindamanna.

Niðurstöðurnar voru birtar í læknisfræðitímaritinu American Journal of Epidemiology á dögunum. Rannsóknin var unnin að beiðni Armand Frappier-stofnunarinnar og Háskólans í Montreal og fjármögnuð af Health Canada og Krabbameinsstofnunar Kanada.

Svo virðist sem að tengsl séu á milli krabbameins í blöðruhálskirtli, ristli, lungum og brisi og næturvinnu. Ástæðan fyrir þessu er rakin til hormónsins melatónín sem líkaminn framleiðir í svefni. Skortur á þessum hormónum getur framkallað sem lífeðlisfræðilegar breytingar sem leiða til myndunar krabbameins.

Vísindamennirnir benda enn fremur á að lítil tengsl séu á milli þess vinnutíma sem unnin er að nóttu til og krabbameins. Fræðilega séð væri hægt að áætla að lengri vinnutími myndi auka líkurnar á þróun krabbameins en svo virðist ekki vera.

Hægt er að nálgast rannsóknina hér.