Hvað gerði hann við hárið á sér?

Leikarinn Jude Law vakti talsverða athygli þegar hann fékk sér göngutúr í London fyrir helgi.

 

Sjarmörinn er nefnilega kominn með miklu þykkara hár en hann var með fyrir nokkrum mánuðum þegar hann kynnti nýjustu Sherlock Holmes-kvikmyndina. Þá var eins og karlinn væri að verða sköllóttur en nú er hann allt í einu kominn með hár – líkt og fyrir töfra.

 

Nýjasta afrek hjartaknúsarans er er að leika Alexei Karenin, eiginmann Önnu Kareninu, í samnefndri kvikmynd á móti Keiru Knightley sem hefur fengið prýðisdóma.