Þriggja laxa opnun í Laugardalsá

Þrír laxar veiddust í opnun Laugardalsár í Ísafjarðardjúpi á föstudaginn, en veitt er á tvær stangir fram til mánaðarmóta. Tveir laxar voru um 10 pundin og komu úr Skáfossi og við Neðri-Brú en sá þriðji var öllu minni og kom úr Grímhólshyl, en að auki kom slatti af silungi á land.

Opnanir í Laugardalsá gefa jafnan einhverja laxa og var þetta engin undantekning frá þeirri reglu – áin er í góðu vatni og er nokkuð líkleg til stórræða í sumar, er mat leigutakans.

Veiði í Laugardalsá er jöfn og góð en veitt er á þrjár stangir mest, en 18 merktir veiðistaðir eru á sex kílómetra veiðanlegum kafla í ánni

Veiði síðustu ára:

Veiði 2003: 350 laxar

Veiði 2004: 557 laxar

Veiði 2005: 397 laxar

Veiði 2006: 302 laxar

Veiði 2008: 415 laxar

Veiði 2009: 501 laxar

Veiði 2010: 548 laxar

svavar@frettabladid.is