Veiði

Lifnar yfir Soginu

Karl Lúðvíksson skrifar
Mynd: KL

Veiðin í Soginu í gegnum tíðina hefur verið misjöfn í gegnum síðustu ár en miðað við fréttir úr ánni síðustu daga en vonandi rísandi veiði í ánni.

Ásgarður sem dæmi hefur verið að skila ágætri veiði og þar hafa bleikjurnar ekki gert neitt nema stækka eftir að veiðimenn við Ásgarð fóru að sleppa þeim. Það hefur verið veiði upp á fimm til tíu laxa á dag suma daga og það er vel ásættanlegt. 

Bíldsfell kemur aðeins seinna inn en þar hafa veiðimenn sem þekkja ánna engu að síður verið að sjá laxaog það er helst í Skkarhólma og á Breiðunni sem laxinn hefur verið að sýna sig. Bíldsfellið er dæmi um svæði sem kemur inn síðsumars en þessi tvö svæði, Ásgarður og Bíldsfell hafa verið mjög vinsæl í gegnum árin en þegar veiði dalaði minnkaði áhugi veiðimanna. Það er því vonandi að breytast með betri veiði.

Alviðra virðist síðan vera að koma aftur inn en veiðimenn hafa bæði verið að gera fína veiði á þessu svæði og gestir við Þrastalund notið þess að horfa á laxa stökkva á þessum fornfræga stað. Tilmælum um að öllum laxi í Soginu skuli vera sleppt hefur verið vel tekið og það er að hluta ástæðan fyrir því að um viðsnúning á laxgengd er að ræða. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.