Roma hefur misst trúna á Krkic

Bojan Krkic hefur ekki náð að slá í gegn hjá Roma og ítalska liðið vill að Barcelona taki við honum á nýjan leik. Það hefur engan áhuga á að halda leikmanninum.

Roma greiddi 12 milljónir evra fyrir hann en samkomulagið við Barcelona er ansi sérstakt. Barcelona getur fengið hann til baka á 17 milljónir evra í sumar en verða að greiða 13 milljónir fyrir hann árið 2013.

Roma gæti reyndar staðið í vegi fyrir því með því að borga 28 milljónir evra en slíkum peningum er félagið ekki til í eyða í Krkic.

Leikmaðurinn hefur aðeins skorað 6 mörk í 32 leikjum fyrir félagið og á enga framtíð hjá Roma.