Del Piero með sitt fyrsta deildarmark í sigri Juventus á Inter

Juventus vann 2-0 heimasigur á Inter Milan í stórleik umferðarinnar í ítalska boltanum. Juventus situr nú í öðru sætinu á eftir AC Milan en munurinn á liðunum er einungis fjögur stig.

Úrúgvæinn Martin Cáceres kom Juventus yfir á 57. mínútu eftir skalla úr hornspyrnu. Það var svo gamla hetjan Alessandro Del Piero sem tryggði sínum mönnum sigurinn með marki 71. mínútu. Þetta var einnig fyrsta deildarmark Del Piero á tímabilinu.

Lítið gengur hjá Inter undir stjórn Claudio Ranieri og virðast líkurnar á því að hann verði áfram liðið hverfandi. Það bendir allt til þess að Inter Milan muni ekki taka þátt í Evrópukeppni á næsta tímabili en liðið er nú tíu stigum frá sæti í Meistaradeild Evrópu ásamt því að vera sjö stigum frá sætunum tveimur sem gefa þáttökurétt í Evrópudeildinni að ári.