Innlent

Önnur tekjuhæsta íslenska kvikmynd allra tíma

Velgengni kvikmyndarinnar Svartur á leik ætlar engan endi að taka. Um síðustu helgi náð hún þeim merka áfanga að verða önnur tekjuhæsta íslenska kvikmynd allra tíma þegar gestur númer 60 þúsund sá hana. Þetta kemur fram í tilkynningu frá Senu.

Svartur á leik náði öðru sætinu af Bjarnfreðarsyni, sem naut gríðarlegra vinsælda þegar hún var sýnd fyrir rúmum tveimur árum síðan. Samkvæmt tilkynningunni var myndin komin með 79.219.663 krónur í tekjur eftir helgina en tekjur Bjarnfreðarson voru 78.397.550 krónur. Mýrin eftir Baltasar Kormák er áfram tekjuhæsta íslenska kvikmyndin með 90,4 milljónir í heildartekjur.

Svartur á leik er einnig komin í fjórða sæti yfir aðsóknarmestu íslensku kvikmyndirnar. Í þriðja sæti er Bjarnfreðarson með 67 þúsund áhorfendur og í öðru sæti Englar alheimsins með 82 þúsund áhorfendur. Mýrin er síðan aðsóknarmest með 84 þúsund áhorfendur.

Leikstjóri myndarinnar er Óskar Þór Axelsson
 og skrifaði hann handritið eftir samnefndri sögu Stefáns Mána
. Aðalleikarar eru þau Þorvaldur Davíð Kristjánsson, Jóhannes Haukur Jóhannesson, Damon Younger og María Birta Bjarnadóttir.

 


Tengdar fréttir

Hrikalegasta illmenni íslenskrar kvikmyndasögu

"Þetta er bara vinna. Þetta er ekkert flókið,“ segir leikarinn Damon Younger. Frammistaða Damons í glæpamyndinni Svartur á leik hefur vakið mikla athygli. Brúnó, persóna hans, þykir vera eitt hrikalegasta illmenni sem sést hefur í íslenskri kvikmynd og hann þykir standa sig stórkostlega í hlutverkinu.

Sjáðu myndirnar frá frumsýningu Svartur á leik

Meðfylgjandi má sjá myndir sem voru teknar á frumsýningu kvikmyndarinnar Svartur á leik í leikstjórn Óskars Þórs Axelssonar. Troðið var út úr dyrum í Smárabíó og góð stemning á meðal frumsýnignargesta að sjá spennutryllinn sem olli ekki vonbrigðum.

Stakk sér ofan í undirheimana

Þorvaldur Davíð Kristjánsson leikur Stebba "psycho“, sitt fyrsta aðalhlutverk í bíó, í myndinni Svartur á leik sem frumsýnd er í byrjun næsta mánaðar. Leikarinn býr í Los Angeles en hitti Kjartan Guðmundsson í stuttum skreppitúr til Íslands í

Svartur hitti í mark í Hong Kong

„Þetta gekk mjög vel. Það var mikil stemning og það var gaman að koma þarna,“ segir Óskar Þór Axelsson, leikstjóri Svartur á leik. Hann er nýkominn heim frá Hong Kong í Kína þar sem myndin var sýnd á alþjóðlegri kvikmyndahátíð. Hún er ein af þremur stærstu hátíðunum í Asíu.

Stefán Máni: Glæpamenn skátadrengir miðað við gæjana í dag

"Þeir menn sem ég var í sambandi við á þeim tíma voru skátadrengir miðað við gæjana sem maður sér í dag,“ sagði rithöfundurinn Stefán Máni Sigþórsson sem skrifaði glæpabókina Svartur á leik fyrir um tíu árum síðan, í viðtali í Kastljósi í kvöld. Þar ræddi Sigmar Guðmundsson við Stefán Mána og Stefán Eiríksson, lögreglustjóra á höfuðborgarsvæðinu, um glæpaheiminn á Íslandi þá og nú. Tilefnið er að sjálfsögðu kvikmyndin Svartur á leik sem bregður ákaflega dökkri og ógeðfelldri mynd af glæpaástandinu í kringum aldamótin síðustu.

Óskar þór ánægður með viðtökurnar

„Það er óneitanlega gaman að myndin fái svona mikla athygli,“ segir Óskar Þór Axelsson leikstjóri myndarinnar Svartur á Leik. Bandaríski vefmiðillinn Hollywood Reporter telur íslensku myndina vera eina af sjö myndum sem vert er að fylgjast með á kvikmyndahátíðinni í Berlín.

Að slá í gegn með nýju nafni

Lengi hefur tíðkast að Íslendingar, sem vilja slá í gegn, taki upp svokölluð meik-nöfn sem henta betur alþjóðasamfélaginu en hin ástkæru, ylhýru. Kjartan Guðmundsson rifjaði upp nokkur dæmi um slíkt í gegnum tíðina.

Eftirpartý - Svartur á leik

Meðfylgjandi myndir tók Sigurjón Ragnar ljósmyndari í frumsýningarteiti á veitingahúsinu Kex sem haldið var eftir frumsýningu myndarinnar Svartur á leik...

Myndband við nýja útgáfu af Þú og ég frumsýnt

Vísir frumsýnir hér myndband við endurhljóðblöndun af einni fallegustu perlu íslenskrar dægurlagasögu, Þú og ég. Lagið var endurhljóðblandað fyrir kvikmyndina Svartur á leik. Hljómsveitin Hljómar fluttu það upphaflega en það er eftir Gunnar Þórðarson og Ólaf Gauk.

Raunverulegur sýndarheimur

Svartur á leik húðar viðfangsefni sitt ekki í sykur. Gríðarlegt magn af eiturlyfjum hverfur upp í nasir aðalpersónanna og ofbeldið er á köflum yfirgengilegt. En svona er þetta. Þetta er raunveruleiki sem fullt af fólki býr við og kjánaleg samtöl um kóla og kúlur eiga fullkomlega við. Óskar og félagar sýna raunverulega mynd af sýndarheiminum í frábærri spennumynd.

Svartur á leik út á land

Tryllirinn Svartur á leik er á leiðinni í kvikmyndahús úti á landi og eru sýningar í þann mund að hefjast eða eru þegar hafnar á Dalvík, Selfossi, Ísafirði, í Borgarbyggð, Vestmannaeyjum og víðar.

Svartur á leik - eins og snákur á amfetamíni

Kvikmyndin Svartur á leik fær þokkalega góða dóma hjá kvikmyndasíðunni The Twitchfilm þar sem Jóhannesi Hauki Jóhannessyni er hrósað í hástert og myndin sögð frábær skemmtun. Myndin keppti á IFFR kvikmyndahátíðinni en fékk engin verðlaun. Myndin hlaut einkunnina 4,2 af fimm mögulegum og er í fjórtánda sæti af rúmlega 160 myndum sem voru á hátíðinni.

Ögmundur gekk hálf lamaður út af Svörtum á leik

„Ég fór að sjá myndina í gærkvöldi, og hún var hrikaleg," sagði Ögmundur Jónasson, innanríkisráðherra, en hann fór að sjá kvikmyndina Svartur á leik í boði Reykjavík síðdegis. Í viðtali á Bylgjunni lýsti Ögmundur upplifun sinni af myndinni. Og það er ljóst að hún hreyfði við ráðherranum.

Leikstjóri Svartur á leik snýr sér að Ég man þig

Óskar Axelsson, leikstjóri Svartur á leik, hefur verið ráðinn til að leikstýra hrollvekju sem byggð verður á metsölubók Yrsu Sigurðardóttur "Ég man þig". Sjálfur var hann skíthræddur við lestur bókarinnar og missti svefn.

Mest lesið


Fleiri fréttir

Sjá meira


×

Mest lesið