Magavöðvadrottningin Hammerseng á leið í hnapphelduna

Norska handboltakonan Gro Hammerseng varð fræg á Íslandi þegar Adolf Ingi Erlingsson, íþróttafréttamaður á Rúv, þrábað hana um að sýna sér magavöðvana á EM kvenna 2010.

Hammerseng hefur í mörg ár verið ein besta handboltakona heims og er ekki síður þekkt fyrir glæsilega magavöðva. Þá vildi Adolf sjá og sýna heiminum en hafði ekki erindi sem erfiði.

Hammerseng hefur verið takmarkað í boltanum upp á síðkastið enda varð hún móðir í febrúar. Hamingja geislar af henni og kærustu hennar, Anja Edin, enda hafa þær ákveðið að gifta sig í ágúst á næsta ári.

Þær Hammerseng og Edin spila saman hjá Larvik í Noregi og það var þjálfari þeirra sem greindi frá brúðkaupinu.

Hér að ofan má sjá viðtalið fræga sem Adolf tók við Hammerseng.