Björgunarsveitir leita að Matthíasi

Erla Hlynsdóttir skrifar 14. janúar 2011 14:00

Matthías Þórarinsson er enn týndur. Hann er mikill náttúruvinur og einfari, og notar hvorki farsíma né greiðslukort

Lögregla og björgunarsveitir munu í fyrramálið gera út leitarhópa í von um að finna Matthías Þórarinsson sem hefur verið saknað í nokkurn tíma. Lögregla hefur lýst eftir Matthíasi en það hefur engan árangur borið. Leitarhundar verða með í för um helgina en ekki hefur áður verið lagt í skipulega leit að Matthíasi, aðallega því lögregla hefur ekki vitað hvar skyldi leita hans.

Bifreið sem Matthías var á fannst brunnin í malargryfjunum við Esjurætur en ekkert bendir til að Matthías sé annað en heill á húfi. Leitarflokkarnir munu kemba næsta nágrenni þess svæðis sem bifreiðin fannst á.

Matthías bjó í húsbíl sínum en lögreglan útilokar ekki að hann sé kominn á nýjan bíl, hafi fengið inni á bóndabæ eða hafist hreinlega við úti. Hann er mikill náttúruvinur og einfari, að því er lögregla hefur eftir móður Matthíasar. Hann afneitar nútímatækni á borð við farsíma og greiðslukort, lifir afar sparlega og gengur í heimasaumuðum fötum. Hann eyðir mestum sínum tíma í að lesa og teikna.

Bíllinn hans Matthíasar sem fannst við Esjurætur

Matthías hefur áður látið undir höfuð leggjast að láta ættingja sína vita af sér í lengri tíma en þar sem tíminn nú er orðinn óvenju langur var ákveðið að lýsa eftir honum.

Þeir sem hafa upplýsingar um ferðir Matthíasar eru hvattir til að hafa samband við lögregluna í síma 444-1000.

Hann er 21 árs gamall, um 180 sentimetrar á hæð, ljósskolhærður og talinn halda til á Suðurlandi.

Tengdar fréttir

Bifreið Matthíasar fannst brunnin

Bifreið Matthíasar Þórarinssonar, sem leitað hefur verið að undanfarna daga, fannst í gær í malarnámum nærri heimili hans.

13. janúar 2011 15:48

Lýst eftir Matthíasi

Lögreglan á höfuðborgarsvæðinu lýsir eftir Matthíasi Þórarinssyni. Ekkert hefur spurst til hans í nokkurn tíma. Matthías er um 180 sentimetrar á hæð ljósskolhærður. Talið er líklegt að hann haldi til einhversstaðar á Suðurlandi. Matthías hefur til umráða gamlan rússajeppa og hefur ferðast á honum um landið. Bíllinn hefur verið útbúinn sem húsbíll. Þeir sem hafa upplýsingar um ferðir Matthíasar eru vinsamlegast beðnir um að hafa samband við lögregluna á höfuðborgarsvæðinu í síma 444 1000

10. janúar 2011 16:13

Fjölmargar ábendingar borist

Lögreglan á höfuðborgarsvæðinu lýsir enn eftir Matthíasi Þórarinssyni, 21 árs, en ekkert hefur spurst til hans í nokkurn tíma. Samkvæmt upplýsingum frá lögreglunni hafa fjölmargar ábendingar borist vegna Matthíasar og bílsins sem hann ekur um á, en ekkert af þeim hefur skilað niðurstöðu.

11. janúar 2011 19:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir