Milito á leið frá Barcelona

Gabriel Milito mun líklega fara frá Barcelona nú í janúarmánuði en Pep Guardiola, stjóri liðsins, hefur gefið honum leyfi til þess.

Milito var keyptur á 14 milljónir punda frá Zaragoza árið 2007 en hefur þurft að glíma við meiðsli síðan þá og hefur því lítið spilað.

Líklegast er að hann verði lánaður til félags annað hvort á Ítalíu eða Englandi.

Milito er sterkur varnarmaður og var orðaður við Liverpool áður en hann fór til Barcelona á sínum tíma. Hann vill sjálfur fara annað til að missa ekki sæti sitt í landsliði Argentínu.