Robinho lenti á myndavél og fór meiddur af velli - myndband

AC Milan vann Al-Ahli frá Egyptalandi 2-1 í æfingaleik sem fram fór í dag. Clarence Seedorf og Giacomo Beretta skoruðu mörk AC Milan en Antonio Cassano lék þarna sinn fyrsta leik í búningi Milan.

Robinho lagði upp sigurmarkið í leiknum en nokkrum mínútum fyrir leikslok varð hann fyrir skondnum meiðslum. Hann lenti á sjónvarpsmyndavél og meiddist á hné. Atvikið má sjá á meðfylgjandi myndbandi.

Robinho fór meiddur af velli en það er þó vonast til þess að hann verði klár í leik gegn Cagliari í vikunni.