Settu bíl úr legó-kubbum í stæði forstjórans

Starfsmenn Lególands í Kaliforníu gerðu grín forstjóranum á dögunum þegar þeir fjarlægðu jeppann hans og settu alveg eins bíl úr legó-kubbum í staðinn.

Einn af starfsmönnunum stal lyklunum af Peter Ronchetti forstjóra fyrirtækisins og færði bílinn úr stæðinu sem hann var lagður í. Því næst kom lyftari með alveg eins bíl úr legó-kubbum og setti í stæðið.

Bíllinn var gerður úr 201 þúsund legókubbum og vegur tæplega hálft tonn.

„Ég held að ég muni ekki skilja lyklana mína aftur á glámbekk,“ sagði Ronchetti.

Viðbrögðin er hægt að sjá í meðfylgjandi myndbandi.