Vettel telur vandasamt að aka í Valencia

Formúlu 1 ökumennirnir Sebastain Vettel og Mark Webber keppa fyrir hönd Red Bull í Valencia á Spáni á sunnudaginn. Vettel líkir brautarstæðinu við Mónakó, en ekið er um hafnarsvæði á brautinni. Mótið er það annað á Spáni í árinu, en fyrr á árinu var keppt á Katalóníu brautinni í grennd við Barcelona.

Að mati Vettels er stemmningin í kringum höfnina í Valencia nokkuð svipuð og í Mónakó, nema hvað athafnasvæði fyrir keppnisliðin að tjaldabaki er viðameira og bílskúrarnir stærri.

„Brautin er götubraut, en meðalhraðinn er mjög hár (200 km/klst), þannig að þetta er vandasamt. Það þarf mikið niðurtog fyrir beygjurnar, en minna fyrir nokkuð langa beina kafla, þannnig að það þarf að finna meðalveg", sagði Vettel varðandi uppsetnngu bílsins hvað vængi varðar.

„Það eru engin öryggissvæði, þannig að það má ekki gera mistök. Smá hliðarskrið og maður lendir á vegg. Það er erfitt að taka framúr og eini raunverulegi möguleikinn er í beygju tólf. Okkur gekk vel í fyrra og bíllinn ætti að vera góður. Ég hlakka til", sagði Vettel.

Webber segir að hann hafi ekki gengið sérlega vel í Valencia, en hann vill breyta því mynstri í ár.

„Í nýt þess að keyra síðasta tímatökusvæðið, en þar verulega góð blanda af beygjum sem reyna á. Þetta er braut sem á enn eftir að færa okkur stórkostlega keppni, en við höfum séð sérstök mót á þessu ári og og vonandi er þetta tækifæri fyrir Valencia að komast á blað."

„Það er engin ástæða fyrir því að við ættum ekki að standa okkur vel, en við höfum séð í síðustu mótum að við höfum fengið samkeppni", sagði Webber.