FH mætir Haslum í Meistaradeildinni

Íslandsmeistarar FH mæta norsku meisturunum í Haslum í forkeppni Meistaradeildarinnar í handknattleik. Takist FH að leggja Haslum af velli mætir það annað hvort HC Metalurg frá Makedóníu eða Maccabi Srugo Rishon Lesio frá Ísrael í úrslitaleik um sæti í riðlakeppni Meistaradeildarinnar.

Nái FH ekki að komast í Meistaradeildina fer það sjálfkrafa í aðra eða þriðju umferð EHF-bikarsins.

Ísraelska liðið hefur réttinn á því að halda riðilinn en hafni liðið því mun riðillinn fara fram í Noregi.