Hill finnst rangt að halda mót í Barein

Damon Hill sem er forseti félags breskra kappakstursökumanna og fyrrum heimsmeistari í Formúlu 1 finnst rangt að Barein mótið, sem var frestað í mars verði sett aftur á dagskrá. FIA tekur ákvörðun um málið í dag. Hill er fyrrum heimsmeistari í Formúlu 1 með Williams liðinu.



Yfir tuttugu manns létust í mótmælum í Barein fyrr á árinu og keppni sem átti að vera í Barein 13. mars var frestað í febrúar vegna ástandsins í landinu. Nú telja yfirvöld í landinu og möguleiki sé á að halda mót, ef FIA veitir leyfi fyrir því.



„Þetta mál er tækifæri fyrir Formúlu 1 til að sýna að mannréttindi skipta máli. Sannur friður er ekki það sama og ró með beitingu valds", sagði Hil í frétt á BBC Sport.

Það er kominn á regla í Barein, en fjölmiðlamenn og mannréttindasamtök hafa sett spurningarmerkið við hvaða aðferðum hefur verið beitt til þess.

Ef Formúlu 1 fer fram í Barein þá hefur íþróttinn langt blessun sína við ógnarstjórn að mati Hill.



„Friður skapast bara með sönnum frið. Það rétta, að mínu mati er að keppa ekki í Barein fyrr en allur vafi í máli landsins er á bak og burt", sagði Hill.



Bernie Ecclestone virðist vilja koma mótinu á, en nokkur rót gæti orðið á mótaskránni ef sú ákvörðun verður tekin í dag. Hann hefur m.a. skoðað að færa nýtt mót í Indlandi til 11. desember.



Zayed Rashid Alzayanni, einn af yfirmönnum mótssvæðisins í Barein sagði að staðan væri sú að hægt væri að halda mót.

„Lífið er aftur orðið eðlilegt í Barein og við erum tilbúnir að halda mótið hvenær sem er. Við þurfum á jávæðum hlutum að halda eftir að hafa gengið gegnum erfiðleika. Barein hefur sýnt sitt besta þegar mótshald hefur farið fram og hvað við höfum upp á að bjóða sem land. Formúla 1 getur fært okkur gleðina á ný", sagði Alzayani.

Ákvörðun í máli Barein verður tekin í dag á fundi akstursíþróttaráðs FIA í Barcelona í dag.