Trulli vill komast skör ofar með Lotus

Lotus Formúlu 1 liðið mætir til keppni í Tyrklandi um helgina, en fyrstu æfingar keppnisliða á Istanbúl Park brautinni eru á föstudaginn. Sama fyrirtæki, Lotus Enterprise og á Lotus liðið tilkynnti í síðustu viku að það hefði keypt Caterham Cars sportbílafyritækið breska, sem er sögufrægt merki.

Sérstök athöfn var í Duxford í Bretlandi vegna kaupanna, sem tengdist Lotus liðinu, en yfirmaður þess er Tony Fernandez, sem á hlut í Lotus Enterprise ásamt fleiri aðilum.

„Við höfum átt annríkt eftir heimkomuna frá Kína og það var gaman að sjá hve margir áhangendur mættu til Duxford í síðustu viku. Ég skemmti mér vel og það var skemmtilegt að fá tækifæri til að keyra Caterham bíl í litum liðsins fyrir framan alla", sagði Kovalainen í fréttatilkynningu frá Lotus liðinu.

Lotus liðið mun mæta með endurbættan bíl í næsta mót á eftir Tyrklandi, en keppt verður á Spáni eftir mótið á Istanbúl Park í Tyrklandi.

„Núna er komið að Tyrklandi, og keppt á braut sem ég hef alltaf notið mín á. Fólk talar um beygju átta, sem aðal beygjuna á brautinni, en í mínum huga er hún ekki erfitt viðfagnsefni. Við munum núna einbeita okkur að því að ná sem mestu út úr bílnum í tímatökunni og sýna hvað býr í bílnum", sagði Kovalainen.

Jarno Trulli ekur sama bíl vill berjast við lið eins og Williams, Force India og Sauber, sé þess kostur. Það er athyglivert að hann náði 0.018 sekúndum betri aksturstíma í mótinu í Kína en Fernando Alonso á Ferrari, en varð þó aðeins nítándi í mótinu.

„Það er tækifæri fyrir okkur að vaxa í Tyrklandi, eftir stutt hlé og það verður gott að keyra á ný. Ég vil endurtaka það sem við sýndum í Kína og til að svo megi verða, þá þurfum við að komast villulaust í gegnum æfingar á föstudag og sunnudag. Það gefur okkur möguleika á að berjast við leið eins og Williams, Force India og Sauber", sagði Trulli