Stabæk fær lánaðan leikmann frá Start vegna meiðsla Veigars

Stabæk hefur fengið hollenska sóknarmanninn Bernt Hulsker á láni frá Start til að leysa af Veigar Páll Gunnarsson sem meiddist á ökkla í síðasta leik og verður frá keppni í að minnsta kosti fjórar til sex vikur.

Hinn 32 ára gamli Bernt Hulsker missti byrjunarliðssæti sitt í Start-liðinu og vildi fá að spila meira en samningur hans við Start rennur út í lok ársins.

Stabæk er með Hulsker á láni til 1. ágúst og mætti hann á sína fyrstu æfingu í gær. Hann hefur skorað 8 og 9 mörk fyrir Start undanfarin tvö tímabil.

Veigar Páll byrjaði tímabilið vel með Stabæk og lagði upp tvö mörk í fyrsta leiknum áður en hann varð að yfirgefa völlin vegna meiðsla.

Veigar missti af næsta leik en leikurinn á móti Alesund um síðustu helgi var sá fyrsti sem hann spilaði eftir að hann náði sér af þeim meiðslum. Hann meiddist hinsvegar eftir aðeins rúmar tíu mínútur.