Zlatan: Inter vann ekkert fyrr en ég kom

Zlatan Ibrahimovic skýtur til baka á Inter Milan en fyrirliði þess, Javier Zanetti sendi fyrstu pilluna á sænska framherjann í gær.

Allir biðu eftir viðbrögðum úr herbúðum Inter vegna vistaskipta Zlatans frá Barcelona til AC Milan, erkifjénda Inter.

Zanetti sagði að Ibrahimovic væri eigingjarn og hrokafullur. "Það kemur mér ekki á óvart að hann fari til AC Milan," sagði Zanetti en Zlatan svaraði fyrir sig í Gazzetta dello Sport í dag.

"Inter þarf ekkert að vera að hugsa um mig," sagði Zlatan auðmjúkur en bætti svo við: "En þar til ég kom þangað hafði liðið ekki unnið neitt," sagði Zlatan.

Hann fór svo fögrum orðum um tíma sinn hjá Inter en sagðist einnig ekki ætla að hika neitt í grannaslögunum, hann ætlaði að vinna þá alla fyrir AC.