Frábær innkoma Hannesar - skoraði tvö mörk í sigurleik

Hannes Þ. Sigurðsson átti frábæra innkomu í 4-2 útisigri Sundsvall á Väsby United í sænsku b-deildinni í dag. Hannes spilaði síðustu 32 mínútur leiksins og skoraði tvö fyrstu mörkin sín á tímabilinu.

Hannes kom inn á sem varamaður á 58. mínútu í stöðunni 1-2 fyrir Sundsvall og það byrjaði ekki vel því Väsby jafnaði leikinn í framhaldinu. Hannes kom Sundsvall hinsvegar yfir á ný með góðu skoti á 68. mínútu og innsiglaði sigurinn síðan af stuttu færi í uppbótartíma.

Hannes hefur aðeins verið einu sinni í byrjunarliði Sundsvall í fyrstu fjórum leikjum liðsins en það ætti að breytast eftir þess þrusu innkomu hjá honum í dag.

Sundsvall er nú í 4. sæti með tvo sigra og sjö stig út úr fyrstu fjórum umferðunum.